Bakı/04.08.17/Turan: Azərbaycan Xalq Cəbhəsi Partiyası sədrinin müavini Gözəl Bayramlının səhhətində problemlər var.
Jurnalist Əfqan Muxtarlı və "Kanal 13" İnternet resursunun rəhbəri Əziz Orucov isə istintaqdan narazıdır. Bu haqda vəkil Elçin Sadıqov məlumat verib. Vəkil avqustun 4-də onlarda Bakı İstintaq Təcridxanasında görüşüb.
Vəkilin sözlərinə görə, G. Bayramlının səhhəti günü-gündən pisləşir.
"Gözəl Bayramlının səhhəti ağırlaşır. Sol ayağı iflic ola bilər. İndiyədək hər hansı zəruri tibbi yardım da göstərilməyib. Sərbəst yeriyə, ayağa qalxa, otura bilmir".
Vəkilin bildirdiyinə görə, AXCP sədrinin müavininin rahat hərəkət etməsi üçün əsaya ehtiyacı var. Müdafiə tərəfi gərəkli qurumlara müraciət etsələr də, G.Bayramlıya əsa verilmir. E.Sadıqov "Kanal 13" İnternet resursunun rəhbəri Əziz Orucovun səhhətinin yaxşı olmadığını bildirib.
"Səhhətindəki problemlər qalır. İstintaqdan narazıdır. İttihamın hüquqi tərəfləri haqda ona bilgi verilmir. Onun hansısa qrant müqavilələrini imzalamaq, hər hansı sərəncam vermək səlahiyyəti olmayıb. Ancaq ittihamlar bununla bağlıdır", - vəkil deyib.-0-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz