Bakı/01.08.17/Turan: "Son illər ölkəmizin mötəbər beynəlxalq iqtisadi və humanitar forumlara, mahnı müsabiqəsi və dünya miqyaslı idman yarışlarına ev sahibliyi etməsi respublikamızın beynəlxalq aləmdə yüksək imicə, tolerantlıq və multikulturalizm prinsiplərinə bağlılığının bariz nümunəsi olduğunu sübut edir", - baş prokuror Zakir Qaralov iyulun 31-də Baş Prokurorluqda 2017-ci ilin birinci yarısının yekunları ilə bağlı keçirilmiş əməliyyat müşavirəsində deyib.
Z. Qaralov 2017-ci ilin birinci yarısında ölkə həyatının bütün sahələrində dinamik inkişafın yüksək templərlə davam etdiyini, hüquqi-demokratik islahatların, böyük infrastruktur layihələrinin və sosialyönlü proqramların uğurla həyata keçirildiyini bildirib.
O, xüsusi vurğulayıb ki, 2017-ci ilin birinci yarısında ölkə iqtisadiyyatına 5 milyard dollar investisiya yatırılıb. Qeyri-neft sənayesində məhsul istehsalı 4,4, kənd təsərrüfatı 2,2, ixrac 36 faiz artıb.
Baş prokuror qeyd edib ki, 2017-ci ilin birinci yarısında cinayətlərin açılması 2016-cı ilin müvafiq dövrü ilə müqayisədə 1,3 faiz yaxşılaşıb, 85,4 faiz təşkil edib. Qeydə alınmış 78 qəsdən adam öldürmə cinayətinin 76-nın açılması təmin olunub.
Z.Qaralov müşavirədə "MTN işi"ndən də danışıb. O qeyd edib ki, həmin iş üzrə 56 milyon manatlıq əmlak üzərinə həbs qoyulub.
Baş prokurorun bildirdiyinə görə, ləğv edilmiş Milli Təhlükəsizlik Nazirliyinin yüksək rütbəli vəzifəli şəxslərinin qanunsuz əməlləri ilə bağlı 250 epizod üzrə kompleks istintaq-əməliyyat tədbirləri görülüb. Akif Çovdarov, Sübahir Qurbanov və qeyrilərinin, cəmi 19 şəxs barəsində 7 cinayət işi üzrə ibtidai istintaq tamamlanaraq baxılması üçün məhkəməyə göndərilib.
Baş prokuror bildirib ki, vurulmuş 41 milyon 512 min manat məbləğində ziyanın ödətdirilməsinin təmin olunması məqsədi ilə məhkəmənin qərarı ilə təqsirləndirilən şəxslərə məxsus ümumilikdə 56 milyon manat dəyərində əmlak üzərinə həbs qoyulub.
Hazırda cinayət işinin digər epizodları, o cümlədən barələrində axtarış elan olunmuş şəxslərin cinayət əməlləri barədə zəruri istintaq-əməliyyat tədbirləri davam etdirilir.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz