Bakı/01.08.17/Turan: Ombudsman Elmira Süleymanova həbsdəki gənc fəal Qiyas İbrahimovla rəftarın araşdırılması üçün ədliyyə nazirlinin müavini, Penitensiar Xidmətin rəisi Ceyhun Həsənova müraciət edib. Bu haqda ombudsmanın gəncin vəkili Elçin Sadıqova göndərdiyi məktubda bildirilir. Ombudsman Penitensiar Xidmətin rəhbərinə vəkilin müraciəti üzrə müraciət edib.
"Vəkilin ombudsmana daxil olmuş müraciətində bildirilir ki, hazırda Penitensiar Xidmətin 2 saylı cəzaçəkmə müəssisəsində cəza çəkən Qiyas İbrahimov müəssisə rəhbərliyi tərəfindən hədələnib, təhqir edilib, işgəncəyə məruz qalıb, əsassız olaraq cərimə kamerasına salınıb. Q.İbrahimovun hüquqlarının təmin olunması üçün kömək göstərilməsi istənilib.
E.Süleymanova qeyd edib ki, ombudsmanın Milli Preventiv Qrupunun üzvləri də iyulun 13-də 2 saylı cəzaçəkmə müəssisəsində Q.İbrahimovla görüşüblər.
"Başçəkmə zamanı Q.İbrahimov vəkilin müraciətində qeyd olunanları təsdiqləyib. Mütəmadi olaraq müxtəlif qanunsuz hərəkətlərlə üzləşdiyini bildirib. Məsələ cəzaçəkmə müəssisəsinin rəhbərliyi ilə müzakirə edilib. Hər iki tərəfə tövsiyələr verilib", - məktubda deyilir.
Ombudsman Penitensiar Xidmətin rəisindən bu halların nəzarətə götürülməsini, müvafiq tədbirlərin görülməsini və nəticəsi barədə məlumatların onlara göndərilməsini istəyib.
Qeyd edək ki, bundan öncə Qiyas İbrahimovun anası Şura Əmiraslanova və vəkili Elçin Sadıqov bir neçə dəfə onun saxlandığı cəzaçəkmə müəssisəsində işgəncəyə məruz qaldığını bəyan ediblər. Penitensiar Xidmətsə deyilənləri təkzib edib.
Qiyas İbrahimov 2016-cı ilin mayın 10-da saxlanılıb. Daxili İşlər Nazirliyi hər iki ictimai fəalın evindən 1 kiloqramdan çox narkotik vasitə olan heroin tapıldığını bildirib.
Gənclər isə narkotik maddə ittihamını qəbul etməyərək keçmiş prezident Heydər Əliyevin heykəlinin üzərinə "Qul bayramınız mübarək!" şüarı yazdıqlarına görə tutulduqlarını bildiriblər.
Hər iki müttəhim məhkəmədə saxlandıqları vaxt işgəncəyə məruz qalmaları barədə açıqlama veriblər.
Gənc fəallar 10 il azadlıqdan məhrum ediliblər.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz