Baş Prokurorluq aksiya iştirakçılarının şikayətləri ilə bağlı məlumat yayıb
Fevralın 3-də bir qrup vətəndaş şikayətlərinə obyektiv baxılmaması, şikayətlərində qaldırılmış problemlərin həllini tapmamasına etiraz olaraq Baş Prokurorluğun qarşısında etiraz aksiyası keçirib. Şikayətçilərin bir neçəsi etirazını kəfən geyinərək bildirib.
Baş Prokurorluğun mətbuat xidməti bildirib ki, aksiyada iştirak edən bütün şikayətçiləri baş prokurorun birinci müavini Rüstəm Usubov qəbul edərək dinləyib və hər bir şikayətçiyə ayrıca izahatlar verilib.
“Vətəndaşların müraciətlərinə qayğı və həssaslıqla yanaşılması prokurorluq orqanlarının əsas vəzifələrindən biridir. Vətəndaşlardan daxil olmuş prokurorluğun səlahiyyətlərinə aid olan bütün müraciətlər üzrə cinayət-prosessual qanunvericiliyin tələblərinə uyğun olaraq hərtərəfli, tam və obyektiv araşdırmalar aparılmaqla qanuna müvafiq qərarlar qəbul edilir”, - mətbuat xidmətinin məlumatında deyilir.
Mətbuat xidməti Rüstəm Usubovun qəbulunda olmuş aksiya iştirakçılarının hər birinin şikayəti üzrə detallı məlumat yayıb.
Məlumata görə, şikayətlərin bəzisi Bakı Baş Polis İdarəsində, bəziləri isə prokurorluq orqanlarında araşdırılır. Bir sıra şikayətlər barədə məhkəmə qərarları var və bir neçə şikayət üzrə qaldırlmış cinayət işləri isə artıq məhkmələrə göndərilib.
Mətbuat xidməti bildirib ki, vətəndaşların müraciətlərinə obyektiv baxılması və onların qəbulu işi Baş Prokurorluğun rəhbərliyinin gündəlik nəzarətində saxlanılmaqla, Baş Prokurorluq üzrə “Azərbaycan Respublikası Prokurorluğu orqanlarında müraciətlərə baxılması və vətəndaşların qəbulu işinin səmərəliliyinin artırılması haqqında” əmrin qeyd-şərtsiz icrası, həmin fəaliyyət istiqaməti üzrə işin düzgün təşkili, bu sahəyə cavabdeh əməkdaşların məsuliyyətinin artırılması bundan sonra da təmin olunacaq. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz