![Avropa İnsan Hüquqları Məhkəməsi Hilal Məmmədovun hüquqlarının pozulduğunu tanıyıb](https://turan.az/resized/media/2016/main/020400145903-750-500-resize.webp)
Avropa İnsan Hüquqları Məhkəməsi Hilal Məmmədovun hüquqlarının pozulduğunu tanıyıb
Bu gün Avropa İnsan Hüquqları Məhkəməsi (AİHM) “Tolışi sədo” qəzetinin redaktoru Hilal Məmmədovun şikayəti üzrə qərarını açıqlayıb.
Avropa Məhkəməsinin açıqladığı qərara görə, jurnalistin mühakiməsi zamanı onun qeyri-insani və ya ləyaqəti alçaldan rəftara məruz qalmamaq (Avropa Konvensiyasının 3-cü maddəsi) hüququnu pozub. H.Məmmədov həbsdə olarkən onun vəkili Xalid Bağırov vəkillikdən uzaqlaşdırılmışdı. Avropa Məhkəməsi jurnalistin vəkilsiz buraxılmasının onun fərdi şikayət vermək (Konvensiyanın 34-cü maddəsi) hüququnu pozduğunu da öz qərarında qeyd edib. Məhkəmə qərarına əsasən, Azərbaycan hökuməti jurnalistə mənəvi zərərə görə 13 min, hüquqi məsrəflərə görə isə 2500 euro ödəməlidir.
Qərarda qeyd olunur ki, 2012-ci ilin iyununda həbs edilmiş H.Məmmədov saxlanılan və polis idarəsinə aparılan zaman polis və mülki geyimli şəxslərin zorakılığına məruz qalıb. Onlar H.Məmmədovun etnik mənsubiyyətini təhqir ediblər.
H.Məmmədov 2013-cü il sentyabrın 27-də Bakı Ağır Cinayətlər Məhkəməsində 5 il azadlıqdan məhrum edilib. O, narkotik maddə alveri, dövlətə xəyanət və milli ədavətin qızışdırılmasında ittiham olunub.
Jurnalist Avropa Məhkəməsinə şikayətində Avropa Konvensiyasının 3-cü, 5-ci və 34-cü maddəsi ilə qorunan hüququnun pozuntusunun tanınmasını, dəymiş zərərin ədalətli əvəzinin kompensasiya edilməsini tələb edirdi.
“Amnesty İnternational” H.Məmmədov “vicdan məhbusu” kimi tanıyıb.-16/06D-
-
- Cəmiyyət
- 4 Fevral 2016 14:07
-
- İqtisadiyyat
- 4 Fevral 2016 14:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz