![Baş Prokurorluq hüquq müdafiəçisinin ölkədən çıxmasını qadağan edib](https://turan.az/resized/750/500/resize/media/2014/main/073000085531.jpg)
Baş Prokurorluq hüquq müdafiəçisinin ölkədən çıxmasını qadağan edib
Baş Prokurorluq hüquq müdafiəçisi Rəsul Cəfərovun ölkədən çıxmasını qadağan edib. Bu barədə Turan-a Cəfərov özü bildirib.
İyulun 28-də axşam o, qatarla Tbilisiyə gedib, lakin 29-da səhər Böyük Kəsik stansiyasında sərhədçilər onu ölkədən buraxmayıblar. Məlum olub ki, qadağa iyulun 25-də qoyulub.
Bir müddət əvvəl prokurorluğun təqdimatı əsasında Cəfərovun bank hesablarına həbs qoyulub.
Belə ki, iyulun 6-da Cəfərov Kiyevdə öz bank kartlarından istifadə edə bilməyib.
Ayın 7-də “Respublika” bankında bunu “texniki problemlərlə” izah ediblər, amma sonradan hesablara həbs qoyulması haqqında məhkəmə qərarı olduğunu bildiriblər.
İyulun 16-da Cəfərov Səbail rayon məhkəməsinə müraciət edərək, hesablarına həbs qoyulması haqqında qərarın ona təqdim edilməsini tələb edib. Hələlik işə baxılmayıb.
Cəfərov bu məhdudiyyətlərin səbəblərini anlamır, belə ki, o, heç bir cinayət işi üzrə nə şahid, nə də təqsirləndirilən şəxs kimi keçmir. O, hətta bir dəfə olsun prokurorluğa çağırılmayıb. Bu səbəbdən iyulun 30-da o, Baş Prokurorluğu məhkəməyə verib.
Hüquq müdafiəçisi hesab edir ki, ona qarşı sanksiyalar hakimiyyətin iyunda Strasburqda AŞPA-nın sessiyasında Azərbaycanda insan hüquqlarının pozulması haqqında məruzənin təqdimatına cavabıdır. Bundan sonra hakimiyyətyönlü KİV-lərdə hüquq müdafiəçisinə qarşı qara piar kampaniyası başlayıb.
Son illər Cəfərov ölkənin ən fəal hüquq müdafiəçilərindən biridir.
Hazırda o, “Demokratiya naminə incəsənət” kampaniyasının koordinatorudur. -06C-
-
- Cəmiyyət
- 30 İyul 2014 18:53
Cəmiyyət
-
Azərbaycanda artıq parlament seçkilərində namizədlərin belə hakimiyyətlə “razılaşdırıldığı” ilə bağlı iddialar səslənir. Həmin fikrin müəlliflərinə görə, hakimiyyət lazım bildiyi müxalif qüvvənin seçkiyə qatılmasına şərait yaradır, lazım bilmədiyi şəxsləri isə “razılaşdırılmış qaydada” seçkidən kənarda qoyur.
-
Olimpiadaya Azercell-in dəstəyi ilə hazırlaşan məktəbli qızlar 2 bürünc medal və 1 həvəsləndirici mükafatla təltif ediliblər 21-27 iyul tarixlərində Niderlandın Veldhoven şəhərində keçirilən 4-cü Beynəlxalq Avropa Qızlar İnformatika Olimpiadasında Azərbaycanı təmsil edən məktəbli qızlar vətənə mükafatlarla geri dönüblər. 56 ölkədən 194 məktəbli qızın qatıldığı beynəlxalq müsabiqədə məktəblilərimiz 2 bürünc medal və 1 həvəsləndirici mükafat qazanıblar.
-
Avqustun 2-də paytaxtda yağış gözlənilmir, şimal-qərb küləyi əsəcək. Havanın temperaturu gecə müsbət 21 +26, gündüz müsbət 30 + 35 dərəcə olacaq. Gündüz rütubət 45-55 faiz olacaq.
-
Noyabrda Bakıda COP29 konfransının keçirilməsilə əlaqədar məktəblərdə 2024-cü il noyabrın 12-dən 22- dək payız tətili elan olunub.
Rəy yaz