Baş prokurorluq Oqtay Gülalıyevə xəbərdarlıq edib (YENİLƏNİB)

Siyasi Məhbuslarsız Azərbaycan” qeyri-hökumət təşkilatının koordinatoru və Milli Şuranın üzvü Oqtay Gülalıyev yanvarın 6-da Baş Prokurorluq tərəfindən xəbərdarlıq edilib.

Hüquq müdafiəçisi Baş Prokurorluğa çağırılıb vəiki saata yaxın qaldıqdan sonra azad buraxılıb.

“Mən yerli vaxtla saat 17-də Respublika Prokurorluğuna daxil oldum və iki saata yaxın orada qaldıqdan sonra azad buraxıldım. Çağırılmağımın səbəbi kimi bu yaxınlarda mənim tərəfimdən yazılmış və çoxsaylı mediada dərc olunmuş “Bir körpənin göz yaşlarına dəyməyən əfv sərəncamı” yazısı göstərildi. (http://www.contact.az/docs/2015/Want%20to%20Say/123100142142az.htm#.Vo1KIE-LWRk)

Detallı şəkildə məlumat yaymamaqla bağlı iltizama qol çəkdiyimdən geniş danışmayacam. Rəsmi xəbərdarlıq olundum. Bildirdilər ki, məqalədəki bəzi məqamlar dövlət orqanlarının işgüzar nüfuzuna xələl gətirir. Onlara bildirdim ki, yazı mənim fikrilərimdir, qanunlar və fikir azadlığı çərçivəsindədir. İnsanları düşüncəsinə görə ittiham etmək olmaz. Bir də yazılarımı diqqətlə oxuduqlarıüçün təşəkkür etdim”, Gülalıyev Turana bildirib.—03В--

2016 Yanvar 06 (Çərşənbə) 19:31:51

“Siyasi Məhbuslarsız Azərbaycan” qeyri-hökumət təşkilatının koordinatoru və Milli Şuranın üzvü Oqtay Gülalıyev yanvarın 6-da axşam Baş Prokurorluğa çağırılıb. Çağırışın səbəbləri açıqlanmayıb.

Lakin məlumdur ki, bundan öncə O.Gülalıyev cəzaçəkmə yerlərində siyasi məhbusların vəziyyətinə dair hesabat hazırlayaraq dərc etdirib http://contact.az/advertisements/hesabat.htm