Rəsmi qəzetlər Yardımlı rayonunda Yardımlı-Hamarkənd-Abbasabad avtomobil yolunun tikintsi ilə bağlı 1,4 milyon manatın ayrılması haqda sərəncamın mətnini ilk səhifələrdə yerləşdiriblər.
“Azadlıq” qəzeti 844 adda dərmanın Səhiyyə Nazirliyinin icazəsi olmadan ölkəyə daxil olmasını “dərman mafiyasının gizlinləri” kimi ilk səhifəyə çıxarıb.
Qəzet devalvasiyanın fəsadlarının özünü göstərməsinə geniş yer verib. Qəzet nəşrində qiymətlərin 25% bahalandığı göstərilir, bank borclarına göprə intihar hallarının artması nəzərə çatdırılır. Devalvasiyanın yaratdığı maliyyə böhranının səbəb olduğu kəskin ixtisarlarla bağlı ciddi təsirli qərarların olmadığı halda ölkənin sosial təminat sisteminin tamamilə dağılacağı xəbərdarlığı edilir.
“Əhalinin alıcılıq qabiliyyəti aşağı düşdükcə xarici investorlar ölkədə biznes qurmaqda maraqlı olmurlar”, - ekspertlər investorların ölkədən getməsinə toxunurlar.
Ölkədə qiymət artımının öz axarında getməsinə AXCP sədri Əli Kərimli “sanki ölkədə hakimiyyət yoxdur” etirazını ifadə edib.
AXCP sədri Ə.Kərimliyə görə, ikinci devalvasiya 48% yox, 64%-ə yaxın olub.
“Ekspress” ekspeertlərə isnadən mövcud təhsil haqları qaldığı halda ali məktəblərin itki ilə üzləşəcəyini əsas gətirərək təhsil haqlarının bahalaşacağı barədə xəbərdarlıq edir.
“Novoe Vremya” ölkədə qiymət artımına nəzarət edilməməsinə “dövlət strukturlarının gücsüzlüyü fonunda qiymət xaosu” qənaətini diqqətə çatdırır.
İş adamı və keçmiş deputat Dünyamin Xəlilovun həbsinə isə qəzet “kredit oliqarxlarının bir-birinin ardınca batması” münasibətini ifadə edir.
“Bizim yol” dövlət başçısı İlham Əliyevin Vaşinqtona dəvət olunmasını ilk səhifədə yerləşdirib.
“Sahibkarlar kündədən kəsə-kəsə bir kisə undan 200-dən çox çörək bişirir”, - qəzet çörəyin çəkisinin azalmasına münasibət bildirir. İqtisadçı Qubad İbadoğlu ciddi iqtisadi islahatlar olmadığı halda vəziyyətin getdikcə pisləşəcyi haqda hökumətə xəbərdarlıq edib.
“Yeni Müsavat” keçmiş deputat Dünyamin Xəlilovun həbsini önə çəkib.
Devalvasiyannın nəticəsi kimi “Azərbaycan” nəşriyyatının qiymətləri artırması “qəzetlərə zərbə” sayılır, redaktorların qiymət artımından narazılıqları ifadə edilir.
Ekspetlər neft sektorunda ötən ildən davam edən ixtisarların bu il daha da güclənəcəyini proqnozlaşdırırlar.
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz