Açiq mənbələrdən foto.
Baş Prokurorluq Xədicə İsmayılovanın şikayəti üzrə icraatı bərpa edib
Bakı/22.10.22/Turan: Baş Prokurorluq Xədicə İsmayılovanın şikayəti üzrə 2011-ci ildə qaldırılmış cinayət işinin icraatını bərpa edib.
Bu barədə Avropa İnsan Hüquqları Məhkəməsinin qərarlarının Monitorinq qrupunun rəhbəri Xalid Ağaliyev Facebook səhifəsində məlumat yayıb.
Araşdırmaçı jurnalist Xədicə İsmayılova 2010-2011-ci illərdə, ölkə başçısının ailə üzvlərinin var-dövləti barədə araşdırmalarının yayımlanmasının ardınca təhdid, təhqirlərlə üzləşib. Bu kontekstdə "Yeni Azərbaycan", "İki Sahil", "Səs" qəzetləri jurnalist haqda aşağılayıcı məzmunlu məqalələr dərc edib.
İnternet mediasında isə jurnalistin yataq otağından gizli çəkilmiş video görüntülər yayılıb. Jurnalist hüquq-mühafizə qurumlarına, məhkəmələrə şikayətlər versə də, təqsirkarlar məsuliyyətə cəlb edilməyib.
Prokurorluq Cinayət Məcəlləsinin 156-cı (şəxsi həyatın toxunulmazlığını pozma) maddəsilə cinayət işi başlayıb, ancaq həmin icraat 17 avqust 2015-ci ildə dayandırılıb. Jurnalist icraatın yenilənməsi üçün bir neçə dəfə müraciət etsə də, araşdırmalar bərpa edilməyib.
Xədicə İsmayılovanın şikayətləri üzrə yerli hüquq-mühafizə qurumlarının, məhkəmələrin qərarları Avropa Insan Haqları Məhkəməsi qarşısında mübahisələndirilib. Əlaqəli qurumların jurnalistin özəl həyata hörmət və ifadə azadlığı hüququnu qorumaması, jurnalistin başına gələn olaylarla bağlı təsirli araşdırma aparmaması qənaətinə gələn Avropa İnsan Hüquqları Məhkəməsi şəxsi həyata hörmət və ifadə azadlığı hüquqularının pozulduğu qənaətinə gəlib.
Avropa Şurası Nazirlər Komitəsi həmin qərarların icra durumunu sonuncu dəfə bu il iyunun 8-10-da keçirlən iclasında müzakirə edib. Komitə qəbul etdiyi qətnamədə Azərbaycan hökumətini "Xədicə İsmayılovaya qarşı törədilmiş cinayət əməlləri (təhdid məktubu, gizli çəkiliş və intim videoların yayılması) üzrə istintaqı dərhal yenidən başlatmağa, bütün şahidləri lazımi qaydada dindirməyə, işlə bağlı bütün ipuclarını izləməyə" çağırıb.
Komitənin qərarından 4 ay sonra, 10 oktyabr 2022-ci ildə Baş Prokurorluğun müstəntiqinin qərarı ilə 17 avqust 2015-ci il tarixli qərara əsasən dayandırılmış cinayət işinin icraatı bərpa edilib. Bu haqda Avropa Şurası Nazirlər Komitəsin Avropa İnsan Hüquqları Məhkəməsi yanında Azərbaycanın səlahiyyətli nümayəndəsi Çingiz Əsgərov məktubla məlumat verib.
Xədicə İsmayılova bildirib ki, Nazirlər Komitəsinin qərarından sonra Baş Prokurorluğa dəvət edilib.
"Mən onlara istintaqın nələri etmədiyini, nələrə mane olunduğunu dedim. İstintaqa mane olan şəxslərin üzə çıxarılıb cəzalandırılmasını tələb etdim. Orada mənə dedilər, sizə məlumat verəcəyik. Amma mənə məlumat verməyiblər, birbaşa Nazirlər Komitəsinə məlumat veriblər".
Jurnalist hesab edir ki, istintaqın yenilənməsi "hələ heç nə demək deyil. Gərək istintaq aparsınlar".
İsmayılova istintaqın nəricələrinin olacağına da ümidli deyil.
"Amma sonadək mübarizəmi davam etdirəcəyəm", deyə o qeyd edib.
Jurnalist hüquq müdafiəçisi Rüfət Səfərovun həbsxanada ləğv edilmiş Milli Təhlükəsizlik Nazirliynin yüksək vəzifəli əməkdaşının onun izlənməsi ilə bağlı dedikləri barədə mediada yaydığı məlumatların da istintaq tərəfindən araşdırılmasını istədiyni bildirib.
Öz növbəsində, Baş Prokurorluğun mətbuat xidməti məlumatın doğru olduğunu və iş üzrə icraatın təzələndiyini təsdiq edib. 03
Cəmiyyət
-
Abşeron rayonunun Saray qəsəbəsi ərazisində silah və hərbi sursatlar aşkar edilib. Bu barədə Fövqəladə Hallar Nazirliyi bildirib. Nazirliyin Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
Rəy yaz