Bakı/10.02.18/Turan: Bayıl yamacında yerləşən 4 ev bugünkü sürüşmə zamanı yararsız vəziyyətə düşüb. Bu barədə sakinlər "Azadlıq" radiosunun əməkdaşına bildiriblər. Onların sözlərinə görə, sürüşmə bu gün, fevralın 10-da saat 12:00-13:00 arası baş verib. Nəticədə Bayılda Əli Nəzmi küçəsində yerləşən 4 ev yararsız vəziyyətə düşüb.
"Yanvarın 24-dən "Cənubdərə" adlanan yerdə işıq, su və qaz verilməsi dayandırılıb. Ancaq sakinlərin yerləşdirilməsi və təminatı ilə bağlı işlər yerinə yetirilməyib", - sakinlər bildiriblər.
"Nə köçürürlər, nə də kompensasiya verirlər. Dəfələrlə Prezident Aparatına və digər strukturlara müraciət etmişik, ancaq heç bir tədbir görülmür", -onlar deyiblər.
Sakinlərin sözlərinə görə, İcra Hakimiyyəti onlara 163 saylı məktəbdə yerləşməyi təklif edir. Kirayədə yaşayanların bir hissəsi məktəbdə yerləşib. Ancaq evi olanlar, həmçinin məcburi köçkün ailələri buna razı olmayıblar. Onlar məktəbdə normal yaşayış üçün şəratin olmadığını bildiriblər.
"Qoy, qərar qəbul eləsinlər, kompensasiya və ya kirayə ev üçün pul versinlər, o zaman adamlar köçər", - sakinlər bildiriblər.
Bugünkü sürüşmədən sonra sakinlər arasında qorxu yaranıb. Onlar növbəti sürüşmədən ehtiyatlanaraq ərazini tərk ediblər. Sakinlərin sözlərinə görə, sürüşmədən sonra rəsmi şəxslər əraziyə gəliblər və onlara lazımi tədbirlərin görüləcəyini vəd ediblər, ancaq heç bir real iş yoxdur.
Fevralın 10-da sürüşmə zonasına gələn Səbayel Rayon İcra Hakimiyyətinin başçısı Eldar Əzizov sakinlərə vəd edib ki, köçmək məsələsi həll edilənə kimi kirayə ev tutmaq üçün fevralın 13-də onlara pul verilməsinə başlanılacaq.
Qeyd edək ki, ərazi müvafiq qurumların tam nəzarətinə götürülüb. Yollar bağlanıb, jurnalistlər hadisə yerinə buraxılmır. Ancaq yararsız evlərin sakinlərinə öz əşyalarını götürməyə icazə verilir. -06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz