Bayıl sürüşmə zonasındakı evlərin sakinlərinə kompensasiya verilir
Bakı/21.02.18/Turan: Bayıl sürüşmə zonasında evlərindən çıxarılan sakinlərə kompensasiyaların verilməsinə başlanılıb. Onlar kompensasiyanı Azərbaycan Beynəlxalq Bankının Səbayel filialında bank kartları ilə alacaqlar.
Vəsait Maliyyə Nazirliyi tərəfindən köçürülüb. Səbayel Rayon İcra Hakimiyyətinin məsul əməkdaşı İsrafil Kərimov Turan-a bildirib.
Müvəqqəti ev tutmaq üçün pul kompensasiyalarının ödənilməsinə fevralın 19-da başlanılıb. Hər ailəyə tərkibindən asılı olaraq ayda ən azı 260 manat veriləcək. 67 ailəyə bank vasitəsilə ödəmələr 11 ay ərzində davam edəcək. Bu müddət bitdikdən sonra həmin sakinlərin harada yaşaması məsələsi həll olunacaq. Vəsait dövlət başçısının Ehtiyat Fondundan ayrılıb.
Xatırladaq ki, bəzi məlumatlara görə, Bayıl qəsəbəsində sürüşməyə yağışların nəticəsində qrunt sularının artması səbəb olub.-0-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz