Bakı/29.07.17/Turan: Həbsdəki gənc fəal Bayram Məmmədovun səhhətində ciddi problemlərin yarandığı bildirilir.
Bu haqda Turan-a onun atası Fərman Məmmədov məlumat verib. Sağlıq problemləri ilə bağlı ailə üzvlərinə B.Məmmədov özü bu gün telefonla bildirib.
13 saylı Cəzaçəkmə Müəssisəsində saxlanılan, 10 il azadlıqdan məhrum olunan gənc fəal Bayram Məmmədovun səhhətində problem var.
Bu barədə Meydan TV-yə Bayram Məmmədovun atası Fərman Məmmədov məlumat verib. Atasınən sözlərinə görə, gənc fəal bir neçə gündür ki, yüksək - 39 dərəcə hərarətdən əziyyət çəkir.
"3 gündür yediklərini qaytardığını bildirdi. İynə vurublar, ancaq hərarəti yenə də düşməyib. Yatağı "skvoznyak" hissədə oldugundan güman ki, möhkəm soyuqlayıb", atası deyib.
Atası B.Məmmədovun saxlama şəraiti ilə bağlı problemlərinin hələ də həll edilmədiyini söyləyib. Bir müddət əvvəl vəkilləri B.Məmmədovun yatağının qapının yanında, hava axınının güclü olduğu hissədə yerləşdirilməsindən narazılıq bildirmişdilər.
Ədliyyə Nazirliyinin Penitensiar Xidmətindən B.Məmmədovun sağlıq durumu ilə bağlı bilgi almaq mümkün olmayıb.
Nazirliyin Tibb Baş İdarəsindən isə Turan-a gənc fəalın sağlıq durumu ilə bağlı müvafiq addımların atılacağı bildirilib.
B.Məmmədov digər gənc fəal Qiyas İbrahimli ilə birgə ötən il mayın 10-da saxlanıb. Daxili İşlər Nazirliyinin yaydığı məlumata görə, B.Məmmədovdan 2.904 qram, evinə baxış zamanı əlavə olaraq 1 kiloqram 150 qram heroin aşkar edilib. Onunla birlikdə saxlanan Q.İbrahimovdan da 2.607 qram, yaşadığı mənzilə baxış zamanı isə əlavə olaraq 1 kiloqram 10 qram heroin tapıldığı iddia edilir.
Ancaq gənclər məhkəmədə ittihamları qəbul etməyiblər. Keçmiş prezident Heydər Əliyevin abidəsinə "Qul bayramınız mübarək!" şüarı yazılmasına görə həbs edildiklərini bəyan ediblər. Məhkəmənin qərarı ilə onlara 10 il həbs cəzası verilib.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz