Bəxtiyar Hacıyev
Bakı/02.02.23/Turan: İctimai fəal Bəxtiyar Hacıyev 25-ci gündür ki, Bakı 1 saylı İstintaq Təcridxanasında aclıq edir.
Fevralın 2-də vəkillər Zibeydə Sadıqova, Elçin Sadıqov və Fəxrəddin Mehdiyev ona baş çəkiblər.
Mehdiyev Turan-a bildirib ki, Hacıyevin vəziyyəti pisləşməkdə davam edir.
“Çəkisi 14 kiloqramdan çox azalıb. Qan təzyiqi 90/65-dir. Şəkəri 56-ya enib. Fevralın 1-də məhkəmədən istintaq təcridxanasına aparılarkən qusub və huşunu itirib. İndi təcridxananın tibb-sanitar hissəsində saxlanılır”, - Mehdiyev deyib.
Hacıyev vəkillərlə görüş zamanı Beynəlxalq Qızıl Xaç Komitəsi nümayəndələrinin hələ də ona baş çəkməməsindən narazılığını bildirib.
Vəkil Sadıqova Hacıyevin Penitensiar Xidmətin müalicə müəssisəsinə və ya mülki klinikaya köçürülməsi barədə vəsatət qaldırıb.
Mehdiyev qeyd edib ki, məhkəmə prosesində Bəxtiyarın əli qandallı olduğu vaxt mülki geyimli şəxslər onun etirazına baxmayaraq, fotosunu çəkiblər.
*Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib. Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Bəxtiyar Hacıyev yenidən alcığa başlayıb. Yanvarın 21-də məhkəmə Bəxtiyar Hacıyevin həbs müddətini daha 1 ay uzadıb.-21B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz