Bakı/14.01.23/Turan: İctimai fəal Bəxtiyar Hacxıyevin rəhbərlik etdiyi İctimai-Siyasi İnstitut 2015-ci ildən qərarlaşdığı ofisdən çıxarılıb.
Bu barədə Müdafiə Xətti hüquq müdafiə təşkilatının həmtəsisçisi Zaur Əkbər Amerikanın Səsinə bildirib.
Onun sözlərinə görə, həmçinin ofisdə qərarlaşan Ziya Quliyevin rəhbərlik etdiyi Hüquqi Təşəbbüslər Mərkəzi və Müdafiə Xətti hüquq müdafiə təşkilatı da çıxarılıb.
“Biz ofisin yerləşdiyi Caspian Plaza biznes mərkəzinin rəhbərliyində hər hansı bir günah görmürük. Bu hakimiyyətin repressiv siyasətinin nəticəsidir. Hakimiyyət zaman-zaman Caspian Plazanın rəhbərliyinə təzyiq edib ki, bizim təşkilatları bu ofisdən uzaqlaşdırsınlar. Bəxtiyar Hacıyevin həbsindən sonra bu təzyiqlər daha da ciddiləşdi və dekabrın 9-da ofisdə Hacıyevin hüquqlarını ictimai müdafiə komitəsinin mətbuat konfransı keçirməsinə imkan verilmədi. Nəhayətdə yanvarın sonunadək ofisi tərk etməmizi istədilər”, o qeyd edib.
Hüquq müdafiəçisi hesab edir ki, Caspian Plazanın rəhbərliyinə daha yüksək səviyyədə təzyiqlər olub.
“Bizə Caspian Plazanın rəhbərliyi adından yanvarın 11-də bizə bildirildi ki, problem yaşamaq iatəmirlər və yanvarın sonunadək ofisi tərk etməliyik”.
Zaur Əkbərin sözlərinə görə, qeyri-hökumət təşkilatlarının ofisdən çıxarılması yalnız Bəxtiyar Hacıyevə deyil, bütövlükdə vətəndaş cəmiyyətinə qarşı təzyiqdir.
“Burada Bəxtiyar Hacıyevin təşəbbüsü ilə Caspian Platforum fəaliyyət göstərirdi. Bu platforma çərçivəsində vətəndaş cəmiyyətləri, ekspertlər, ictimai-siyasi xadimlər burada mətbuat konfransları keçirirdi, müxtəlif mövzularda müzakirələr təşkil edilirdi. Bu repressiv siyasət yalnız Bəxtiyar Hacıyevə, bizə qarşı deyil bütövlükdə müstəqil vətəndaş cəmiyyətinin fəaliyyətinə zərbədir“, o qeyd edib.
Azərbaycan rəsmiləri bu məlumata hələ münasibət bildirməyib. Bununla yanaşı, rəsmi bir qayda olaraq insanların əqidələribnə görə təqib olunmadığını bildirir. -03c-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz