Aqil Layıc
Bəxtiyar Hacıyevin vəkili Kürdəxanı İstintaq Təcridxanasında zorakılıq haqqında məlumat verib
Bakı/21.12.22/ Turan: İctimai siyasi fəal Bəxtiyar Hacıyevın vəkili Aqil Layıc konfidensiallıq və hüquqi müdafiənin ciddi şəkildə pozulduğunu deyir.
Bu barədə o, Facebook səhifəsində qeyd edib.
"19 dekabr 2022-ci il tarixində Bəxtiyar Hacıyev ilə Bakı İstintaq Tərcidxanasında görüşdüyüm zaman konfidensial qaydada apardığım hüquqi müdafiəyə dair qeydlər həmin müəssisənin rəis müavini olan polkovnik-leytenant rütbəli Rəşad (verilən məlumata görə, Əhmədov Rəşad Eldar oğlu) adlı şəxs (eynəkli) tərəfindən zorla götürülmüş konfidensiallıq və hüquqi müdafiə ciddi şəkildə pozulub", deyə vəkil qeyd edib.
O bildirib ki, bununla bağlı rəsmi olaraq Penitensiar Xidmətə müraciət edib.
Vəkil hesab edir ki, həmin şəxs cəzalandırılmalı, peşə fəaliyyətinə müdaxilə edildiyi üçün şəxsən ondan rəsmi üzrxahlıq edilməli, özbaşınalıq edən bu məmur barədə intizam cəzası verilməlidir.
"Onsuz da nəticəsindən asılı olmayaraq, bu məsələni hüquqi çərçivədə mübahisələndirəcəyəm. Yerli məhkəmələrdən qəti gözləntim yoxdur, Avropa Məhkəməsinə çıxarmaq fikrindəyəm", deyə o bildirib. 16D
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz