![Beyləqanda AXCP fəalı saxlanılıb](https://turan.az/resized/750/500/resize/media/2017/main/030700184972.jpg)
Beyləqanda AXCP fəalı saxlanılıb
Azərbaycan Xalq Cəbhəsi Partiyasının (AXCP) Beyləqan təşkilatının gənc fəalı Ayət İsmayıl martın 6-da evindən polisə aparılıb. Bu barədə Turan-a AXCP sədrinin müavini Gözəl Bayramlı bildirib.
Onun sözlərinə görə, A.İsmayıl bir qədər sonra evə buraxılıb. Amma polis şöbəsində onun martın 7-də yenidən şöbəyə gəlməsi tələb edilib.
“Hələ ki, polisdən çıxması barədə hər hansı informasiya almamışıq”, - G.Bayramlı qeyd edib.
Xatırladaq ki, son bir ayda AXCP-nin 10-a yaxın gənc fəalı inzibati cəza alıb, hüquq-mühafizə orqanları bu gəncləri hüquqpozmalarda ittiham etsələr də AXCP gənclərin siyasi fəallığa, sosial şəbəkələrdə hakimiyyətə tənqidi münasibətlərinə görə cəzalandırıldıqlarını bildirir. –06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz