Cahangir Hacıyev
Bakı/26.11.19/Turan: Bakı Apellyasiya Məhkəməsində “Azərbaycan Beynəlxalq Bankı” (ABB) ASC-nin keçmiş sədri Cahangir Hacıyevin, keçmiş deputat Dünyamin Xəlilovun və digər 19 təqsirləndirilən şəxsin işinə baxış davam etdirilib.
Bazar ertəsi keçirilən iclasda Cahangir Hacıyev yenidən bütün ittihamları təkzib edib, 4,5 il keçməsinə baxmayaraq, istintaqın hələ də heç bir dəlil təqdim etmədiyini, 365 cildlik işin isə ümumi sözlərdən ibarət olduğunu qeyd edib.
O xatırladıb ki, 2014-cü ildə ABB onun rəhbərliyi altında 40 mln. manat gəlir əldə edib, onun istefasından sonra – 2015 və 2016-cı illəri isə bank müvafiq olaraq 800 mln. və 1,9 mlrd. manat itkilərlə başa vurub.
Hacıyev “çirkli pulların yuyulması” ittihamlarını təkzib edib. “Pulun mənbəyi bank özüdürsə, pul necə “çirkli” ola bilər? Bu vəsait layihələrin həyata keçirilməsi üçün xarici banklara köçürülüb, onları necə “çirkli” hesab etmək olar? Xarici banklar “çirkli pulları” qəbul edər?”, deyən Hacıyev 4,7 mlrd. dolların mənimsənilməsi ittihamını cəfəngiyyat adlandırıb.
O, ölkədə başlamış “islahatların, açıqlığın” bu məhkəmə işinə də şamil olunacağına ümid etdiyini deyib.
Vəkillər də işdəki ziddiyyətləri qeyd ediblər və bir sıra vəsatətlər irəli sürüblər, amma bu vəsatətlər təmin edilməyib.
Proses dekabrın 9-da davam etdiriləcək.
* Hacıyev 2015-ci il dekabrın 5-də həbs edilib, Bakı Ağır Cinayətlər Məhkəməsi onu 15 il müddətinə azadlıqdan məhrum edib. O və daha 7 nəfər sui-istifadədə, böyük ziyan vurmaqla fırıldaqçılıqda, mənimsəmə və israfda, vəzifə səlahiyyətlərini aşmaqda, rüşvət verməkdə təqsirli biliniblər.
2018-ci il dekabrın sonlarında Baş Prokurorluq Hacıyevə qarşı böyük məbləğdə pulun mənimsənilməsi, cinayət yolu ilə əldə edilmiş vəsaitin leqallaşdırılması, vergi ödənişindən yayınma və s. maddələrlə yeni iş üzrə ittihamlar irəli sürüldüyünü bildirib.
O, ümumilikdə 3,4 milyard dollar və 987 milyon avro məbləğində real dəyəri olmayan veksellərin alış-satışı haqqında sövdələşmələrdə ittiham olunur. Hacıyev və Xəlilov ittihamı təkzib ediblər.
Bu ilin sentyabrında məhkəmə Hacıyevin və Xəlilovun hər birinin cəzasına 1,5 il azadlıqdan məhrumetmə cəzası əlavə edib. -16C06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz