KİV və jurnalist təşkilatları “Sərhədsiz reportyorlar”ın təşəbbüsü ilə BMT baş katibinin jurnalistlərin təhlükəsizliyi üzrə xüsusi nümayəndəsini təyin etməyə çağırıblar.
Bu aksiyaya bütün qitələrdən məşhur KİV-lər, QHT-lər, nüfuzlu xadimlər qoşulub, bu barədə “Sərhədsiz reportyorlar”ın press-relizində deyilir.
Bu koalisiya BMT-ni və təşkilata üzv dövlətləri yeni instituta siyasi nüfuz və cəld hərəkət etmək və BMT-nin jurnalistlərin təhlükəsizliyinin təmin edilməsi üzrə səylərini əlaqələndirmək səlahiyyəti verməyə çağırıb.
Məqsəd hər il həlak olan jurnalistlərin sayını azaltmaq üçün beynəlxalq hüququn icrasını təmin etmək üçün konkret mexanizm yaratmaqdan ibarətdir.
SR-in məlumatına görə, son 10 ildə 787 jurnalist və KİV işçisi öz işlərini həyata keçirərkən qətlə yetirilib. Ötən il həlak olan jurnalistlərin sayı 67 nəfər təşkil edib.
“Biz BMT baş katibinin jurnalistlərin təhlükəsizliyi üzrə xüsusi nümayəndəsi vəzifəsinin təsis edilməsini dəstəkləyən çox sayda təşkilatı və nüfuzlu xadimləri alqışlayırıq”, deyə SR rəhbəri Kristof Delor bildirib.
“Belə bir vəzifə təsis edilərsə, jurnalistlər daha təhlükəsiz işləyə biləcək. Jurnalistlərin səmərəli müdafiəsi olmadan siz informasiya əldə etmək hüququna zəmanət verə bilməzsiniz və biz zorakı ekstremizmin təbliğatına qarşı mübarizə apara bilmərik”, deyə Delor qeyd edib.
Bu təşəbbüsü dəstəkləyən təşkilatlar arasında Human Rights Watch, Jurnalistləri Müdafiə Komitəsi, Rori Pek Trast, habelə The New York Times, USA Today, Jagran, Mediahuis, News Brands, Helsingin Sanomat və bir çox başqaları var.
YUNESKO-nun baş direktoru İrina Bokova da BMT-nin jurnalistlərin təhlükəsizliyi üzrə xüsusi nümayəndəsinin təsis edilməsi təklifini dəstəkləyib. -0-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz