Nazirlər Kabineti aprelin 26-da gömrük yığımlarının yeni məbləğini (http://goo.gl/JzOePm) təsdiq edib.
Hökumətin N 168 qərarına əsasən, gömrük yığımı gömrük orqanları tərəfindən həyata keçirilən xidmətlərə və hüquqi hərəkətlərə görə alınır. Gömrük yığımlarının tətbiqi daxili bazarın müdafiəsi və fiskal məqsədlər üçün nəzərdə tutulmur, onların məbləği gömrük orqanları tərəfindən göstərilən xidmətin təxmini dəyərini əks etdirir.
Gömrük yığımları gömrük nəzarətinin həyata keçirilməsi ilə bağlı (malların gömrük rəsmiləşdirilməsi, malların gömrük ekspertizasının aparılması, malların gömrük nəzarəti altında məhvi), eləcə də gömrük müşayiəti və malların saxlancına görə və s tutulur.
Mallara və nəqliyyat vasitələrinə gömrük nəzarəti gömrük orqanlarının iş vaxtından kənar saatlarda və ya iş yerindən kənarda həyata keçirildikdə gömrük yığımları ikiqat məbləğdə alınır.
Malların gömrük dəyəri 1 000 manata qədər olduqda 10 manat; 10 000 manata qədər olduqda 50 manat; 100 000 manata qədər olduqda 100 manat; 100 001 manatdan yuxarı olduqda isə 275 manat gömrük yığımı tutulur.
Tranzit malların gömrük rəsmiləşdirilməsinə görə 30 manat məbləğində gömrük yığımı alınır.
Malların və nəqliyyat vasitələrinin müvafiq gömrük proseduru altında tam yerləşdirilməsini nəzərdə tutan bütün növ gömrük bəyannamələrinin hər vərəqi üçün elektron gömrük xidmətinin göstərilməsinə görə 30 manat məbləğində gömrük yığımı alınır.
Gömrük ərazisinə gətirilən yük və minik avtomobilləri, mikroavtobus və avtobusların qeydə alınması üçün vəsiqə verilməsinə görə 20 manat alınır.
Fiziki şəxslərin öz ehtiyacları üçün gətirdiyi mallara görə (qiyməti 1500 ABŞ dollarından çox olmamaqla) gömrük yığımı nəzərdə tutulmur. Qrant müqavilələri ilə gətirilən mallar da ödənişdən azad edilib.
Gömrük orqanlarının sərəncamında olan anbarlarda malların saxlancına görə xüsusi saxlanc şəraitini tələb etməyən hər 100 kiloqram (brutto çəki) malın 24 saat ərzində saxlanmasına görə 0,2 manat; xüsusi saxlanc şəraitini tələb edən hər 100 kiloqram (brutto çəki) malların xüsusi avadanlıqla təchiz edilmiş anbarlarda 24 saat ərzində saxlanmasına görə 0,5 manat alınır.
Bankların və bank olmayan kredit təşkilatlarının Dövlət Gömrük Komitəsinin reyestrinə daxil edilməsinə görə 2.000 manat məbləğində gömrük yığımı alınır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz