Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
Təşkilatın bəyanatında qeyd edilir ki, bu, Azərbaycanda dövlətin müstəqil mətbuata qarşı narahatlıq doğuran hücumlarının sonuncu nümunəsidir.
Elə həmin gün daha bir jurnalist - Şəmşad Ağa saxlanılıb.
"2013-cü ildən etibarən Azərbaycan hökuməti jurnalistlərə qarşı hücumları gücləndirib. Abzas Media, Toplum TV və Meydan TV-nin bir sıra jurnalisti şübhəli ittihamlarla həbs olunub. Hazırda 8 qadın jurnalist barmaqlıqlar arxasındadır.
Biz müstəqil jurnalistlərə qarşı təzyiqə son qoymağı tələb edirik.
Bəylərqızı dərhal azad edilməlidir", deyə təşkilatın bəyanatında bildirilir.
Siyasət
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
-
Fevralın 6-da Bakının Xətai Rayon Məhkəməsi jurnalist Şahnaz Bəylərqızı barəsində 3 ay 15 gün həbs qətimkan tədbiri seçib.
Rəy yaz