![ASİHMDX haqqında əsasnamə təsdiq edilib](https://turan.az/resized/media/2016/main/043000154548-750-500-resize.webp)
ASİHMDX haqqında əsasnamə təsdiq edilib
Prezident İlham Əliyev aprelin 28-də dövlət satınalmalarına nəzarət ilə bağlı fərman imzalayıb.
Bununla əlaqədar Antiinhisar Siyasəti və İstehlakçıların Hüquqlarının Müdafiəsi Dövlət Xidməti haqqında yeni Əsasnamə, onun strukturu, əməkdaşlarının strukturu və sayı təsdiq edilib.
İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti aparat və regional şöbələrdən ibarətdir. Aparat üzrə 147 ştat vahidi, regional bölmələr üzrə 52 ştat vahidi müəyyən edilib. Xidmət rəisinin ü müavini var. Onları iqtisadiyyat naziri təyin edir.
Bundan başqa, Nazirlər Kabinetinə tapşırılır ki, qabaqcıl beynəlxalq təcrübəni nəzərə almaqla, “Dövlət satınalmaları haqqında” yeni qanun layihəsini beş ay müddətində hazırlayıb təqdim etsin. Qüvvədə olan qanun 2001-ci ilin dekabrında imzalanıb.
Yeni Əsasnaməyə görə, bu struktur dövlət satınalmalarına nəzarəti də həyata keçirir.
Bu ilin yanvarında Satınalmalar üzrə Dövlət Agentliyi ləğv edilib və funksiyaları Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə verilib.
Əsasnamədə qeyd edilir ki, Xidmət dövlət satınalmaları zamanı vəsaitlərdən səmərəli və qənaətlə istifadə edilməsi üzrə tədbirlər həyata keçirir, onları müsabiqə yolu ilə, şəffaflıq şəraitində keçirir.
Xidmət dövlət satınalmaları zamanı yaranan mübahisələri araşdırır, iddiaçıların şikayətini öyrənir, satınalma prosedurlarını dayandırır, tenderlərin nəticələrinin ləğv edilməsi barədə qərar qəbul edir. O, dövlət alqı-satqısının açıq tender və kotirovka sorğusundan başqa, fərqli üsulu barədə alıcı təşkilatın qərarının təsdiqi hüququna malikdir.
Tenderlərin nəticələri ilə bağlı bütün protokollar yekun təsdiq üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə verilir.
Xidmət dövlət satınalmaları ilə bağlı xüsusi sayt yaradır, orda tender elanları və onların nəticələri yerləşdirilir. 08D
-
- İqtisadiyyat
- 30 Aprel 2016 13:03
-
- İqtisadiyyat
- 30 Aprel 2016 13:13
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz