Bilgəhdə dəhşətli qəza, bir ailə həlak olub (FOTO)

Avqustun  2-də saat 20:30-da Bilgəh qəsəbəsində ağır yol-nəqliyyat qəzası baş verib. İlkin məlumatlara görə, qəza nəticəsində bir ailə həlak olub, bir neçə nəfər həlak olub.

Hadisənin şahidlərinin sözlərinə görə, 90 KX 010 dövlət nişanlı “Range Rover” 

"Zaporoces"ə çırpılıb və sonuncu bir neçə on metr məsafəyə atılaraq alışıb yanıb.

Zərbənin gücündən maşından iki uşaq bayıra atılıb, ailə başçısı isə avtomobilin içində həlak olub. Onun həyat yoldaşı ağır vəziyyətdə xəstəyxanaya göndərilib, amma qeyri-rəsmi məlumatlara görə yolda keçinib.

Hadisənin səbəbkarı da yaralanıb, başından ciddi zədələr alıb, amma huşunda olub.

 “Range Rover”  zərbənin gücündən aşaraq qarşıdan gələn iki maşını da zədələyib.

Yanan maşınları bağ evlərinin sakinləri söndürməyə çalışıb. Onlar su maşınını saxlayaraq şlanqla avtomobilləri söndürüb. Xəsarət alanlara da ilkin yardımı onlar göstərib.

Qeyd edək ki, iki il öncədə bu ərazidə, prezidentin bağ evinin yanında  analoji qəya baş vermişdir.

O vaxtda «Amburan» istirahət mərkəzi istiqamətindən  saatda 200 km. surətlə hərəkət edan  «Qelendvaqen» maşını qarşıdan gələn avtomobilə çırpılmışdır.

17-yaşlı sürücü həlak olmuşdur.

Qeyd edək ki, Amburandan Nardaranadək olan yol kəsiyində bahalı avtomobillərin sahibləri tez-tez sanki «ötüşmə yarışları» keçirilərlər.

Burada saatda 200 km. adi haldır və bu da yerli sakinləri narahat edir və onların həyatına təhlükə yaradır. Yol polisinin artıq burada qayda-qanun yartamasının vaxtı çatıb. -02C-