Açiq mənbələrdən foto.
Bakı/23.08.23/Turan: Paytaxtın Binəqədi rayonunda narkotik maddə alverçiləri saxlanılıblar, onlardan 26 kiloqram heroin və metamfetamin götürülüb.
Daxili İşlər Nazirliyinin məlumatında deyilir ki, əvvəlcə narkotik maddə alverçiləri Fəxri Həsənzadə, Tələt Muradov və onun qardaşı Nicat saxlanılıb. Onlar ifadə veriblər ki, narkotik maddələri Kənan adlı şəxsdən alıblar.
Tezliklə paytaxt sakini Kənan Səfərov saxlanılıb və onun evində 20 kiloqram heroin, 2 kiloqram metamfetamin, 127 psixotrop həb və elektron tərəzi aşkar edilib.
Kənan Səfərov bildirib ki, narkotik maddələri İnstagram vasitəsilə tanış olduğu İran vətəndaşından alıb.
Polisin növbəti əməliyyatı zamanı əvvəllər qanunsuz narkotik maddə alverinə görə mühakimə olunmuş Rafiq Məmmədov saxlanılıb. Onda 4 kiloqramdan çox heroin aşkar edilub. Məmmədov bildirib ki, narkotik maddələri TikTok sosial şəbəkəsi vasitəsilə tanış olduğu Sərhad adlı İran vətəndaşından satış məqsədilə alıb.
Binəqədi Rayon Polis İdarəsinin İstintaq İdarəsi bütün hallar üzrə istintaqı davam etdirir, Daxili İşlər Nazirliyinin məlumatında deyilir.
Xəbərdən narkotik maddələrin İrandan Azərbaycana necə gətirildiyi məlum olmur. 02D
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz