Birinci Avropa Oyunlarının açılışı olub

Cümə günü axşamdan keçmiş Bakıda yeni stadionda birinci Avropa Oyunlarının açılışı olub.

Tədbirdə ölkənin tarix və mədəniyyətini nümayiş etdirmək üçün maksimum imkanlardan istifadə edilib.

Müasir texnologiya və elektron avadanlığın tətbiqi ilə stadionun mərkəzi gah səhraya, vulkan ağzına, gah da yaşıl tarlaya, bulaqlara, dağlara çevrilib.

Fırlanan səhnə boyunca dahi Nizaminin “Xəmsə”sindən şərq miniatürləri qurulmuşdu.

Tədbir mozaik panno ilə başlayıb. Yüzlərlə qız bir neçə dəqiqənin içində öz geyimləri ilə xalça ornamentləti yaradıb. Hiss olunurdu ki, ssenari müəllifi və rejissor ilk növbədə nəsə söyləmək yox, təəcübləndirmək istəyib.

Mərasimi müxtəlif cür yozmaq olar, lakin səhnələr arasıda məntiqi əlaqənin olmaması rejissor işinə qeyri-peşəkar əlin müdaxilə etdiyindən xəbər verirdi.

Bu gün gənclər və idman naziri Azad Rəhimov bildirib ki, mərasim 100 mln. manata başa gəlib.-02В-