Rəsmi qəzetlər
“Azadlıq” qəzeti Almaniya parlamentində Azərbaycandakı repressiyalarla bağlı qətnamənin qəbul edilməsi və federal hökumətə çağırış edilməsini manjetə çıxarıb və bunu “Almaniya Bundestaqından Əliyev iqtidarına zərbə” kimi dəyərləndirir.
Avropa Oyunları fonunda beynəlxalq qurumların rəsmi Bakıdan siyasi məhbuslara azadlıq tələbinə iqtidarın imtinasını və bu qurumları təhqirə məruz qoymasını qəzet “Avropa Oyunlarının antiavropa oyunları”na dönməsi sayır.
Demokratiya əsaslı Avropaya aid Avropa Oyunlarının avtoritar rejimli Azərbaycanda keçirilməsi və tədbirə ancaq diktatura dövlətləri təmsilçilərinin qatılmasını qəzet “diktatorlarla Avropa Oyunları” kimi şərh edir.
Qəzet qeyd edir ki, “125-lər” seçki klubunun təsisçilərindən İqbal Ağazadə siyasi məhbuslar”ın cinayətkar olması haqda parlamentdə qəbul edilən bəyanatı imzalamasına cavab olaraq Xalisə Şahverdi klub üzvlüyündən istefa verib.
Həbsdə olan jurnalsit Xədicə İsmayıl bir həftədən çoxdur ki, ona “Azadlıq” qəzetinin verilməməsi haqda məktub göndərib.
Qəzet 2014-cü ilin I rübü ilə müqayisədə bu ilin eyni dövründə ölkədən çıxarılan valyutanın 2,5 dəfə artmasını iqtisadi sabitliyin pozulması, risklərin artması ilə əlaqələndirir.
“Ekspress” Avropa Oyunlarının açılışı ilə bağlı mərasimi diqqət mərkəzinə çəkərək “möhtəşəm açılış” mövqeyini nəzərə çatdırır.
Qəzet ölkə əhalisinin depozitlərinin 71%-nin xarici valyutada olduğunu, maliyyə təşkilatlarının milli valyutadan daha çox imtina etdiklərini bildirir.
“Novoe Vremya” “Bakı-2015” I Avropa Oyunlarının açılışı haqda xəbəri önə çəkib.
“Bizim yol” I Avropa Oyunlarının açılış mərasimi haqda xəbəti ilk səhifəyə yerləşdirib.
Qəzet Bakıda satışa çıxarılan villaların və mağazaların sayının artdığını yazaraq ölkədən kənara külli miqrdada kapital axını barədə xəbərdarlıq edir.
“Yeni Müsavat” Milli Şuranın Avropa Oyunlarını boykot etməməsini “Kremlin layihəsi” və Putinin bu oyunlara qatılması ilə bağlı olması iddiasını ilk səhifəyə çıxarıb və qurumu Putinin qıcağındakı itə bənzətməsi təhqirinə yol verib.
Qəzetin yazdığına görə, ölkədən kapital axınının güclənməsi kredit borcları ilə bağlı iş adamlarının həbsi, kənarda qalan iş adamlarının etimadsılzılq üzündən kapitallarını ölkədən çıxarmaları ilə bağlıdır.
Saray bələdiyyəsi sədrinin qətlilə bağlı Abşeron Rayon İcra Hakimiyyəti başçısının istintaqa çağırılıb.
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz