![Birinci yarımildə traffikinq və yollarda qanun pozuntuları artıb](https://turan.az/resized/750/500/resize/media/2016/main/070800161419.jpg)
Birinci yarımildə traffikinq və yollarda qanun pozuntuları artıb
2016-cı ilin birinci yarısında ölkədə 14 251 cinayət qeydə alınıb. Bu barədə daxili işlər nazirinin birinci müavini Vilayət Eyvazov DİN kollegiyasının birinci yarımilin yekunlarına həsr olunmuş iclasında bildirib. Bu cinayətlərin 85,2%-ni böyük ictimai təhlükə törətməyən və az ağır cinayətlər təşkil edib. Cinayətlərin açılması 84,4% təşkil edib.
V.Eyvazov “profilaktik tədbirlər” nəticəsində
şəxsiyyət əleyhinə olan cinayətlərin azaldığını qeyd edib. Belə ki, qəsdən adam öldürmələr 5,2%, zorlamalar 16,7%, avtonəqliyyatın qaçırılması 13%, xuliqanlıqlar 6,4%, yol-nəqliyyat hadisələri 13,4%, qəzalarda həlak olanların sayı 25,3%, xəsarət alanların sayı 13,2% azalıb.
Prokurorluq orqanları ilə “isti izlər”lə 581 cinayətin üstü açılıb ki, bu da ötən ildə olduğundan 24,4% çoxdur.
611 ağır və xüsusilə ağır cinayət törətmiş 141 cinayətkar qrup zərərsizləşdirilib.
Hesabat dövründə 609 kiloqram narkotik vasitə götürülüb.
Birinci yarımildə 93 insan alveri cinayəti müəyyən edilib ki, bu da ötən ildə olduğundan 16,2% çoxdur.
Həmçinin yol hərəkəti sahəsində inzibati xətalar 25% (və ya 1 402 254 fakt) artıb. Avtomobilin şüşələrinə pərdə və plyonka çəkilməsinə görə 2.404, avtomobili sərxoş vəziyyətdə idarə edən 6.574 sürücü məsuliyyətə cəlb olunub. 183 avtoxuliqan cəzalandırılıb.-16D
-
- Siyasət
- 8 İyul 2016 17:39
-
- İqtisadiyyat
- 8 İyul 2016 18:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz