Bakı/19.04.17/Turan: Bu gün vəkil Elçın Sadıqov Şüvəlan təcridxanasında bloger Mehman Hüseynovla görüşüb.
O, Turan-ın müxbiri ilə söhbərində deyib ki, Mehmanın saxlanma şəraiti pisləşib, ancaq öz durumu normaldır.
Vəkilin sözlərinə görə, M.Hüseynovun cəzaçəkmə müəssisəsinə göndərilməsi gözlənilir, amma hansına göndəriləcəyi məlum deyil: “Bununla əlaqədar onu etapa göndərilənlərin kamerasında saxlayırlar, orada da darısqallıqdır, 10 nəfərin saxlanılmalı olduğu kamerada 15 nəfər saxlanılır”, - vəkil qeyd edib.
2017-ci il martın 3-də Suraxanı Rayon Məhkəməsinin qərarı ilə M.Hüseynov 2 il müddətinə azadlıqdan məhrum edilib. O, Nəsimi rayon polisinin rəisi Musa Musayevə qarşı böhtanda təqsirləndirilib.
Aprelin 12-də Apellyasiya Məhkəməsi bu hökmü qüvvədə saxlayıb.
Bir çox beynəlxalq təşkilatlar M.Hüseynovun barəsində hökmü pisləyərək bunu hakimiyyəti, əsasən Mehriban Əliyevanın birinci-vitse-prezident təyin edilməsini tənqid edən reportajlara görə cəza kimi qiymətləndiriblər.—05B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz