Açiq mənbələrdən foto.
"Bolt" şirkəti sürücülərinin etiraz aksiyası
Bakı/13.04.23/Turan: "Bolt" taksi xidməti şirkətilə əməkdaşlıq edən sürücülər aprelin 13-də şirkətin qarşısında etiraz aksiyası keçiriblər. Onlar qiymətlərin aşağı və buna görə də gəlirlərinin az olduğundan şikayət edirlər.
"60-80 qəpik gediş haqqı olar? Taksi avtobusdan ucuzdur. 9 kilometr üçün 2 manat 10 qəpik yazır. 200 kilometr sürsəm qazancım 30-35 manat olur. Onun hələ benzini, ehtiyat hissələri var. Hər şeyin qiyməti qalxıb. Ən ucuz motor yağı 60 manatdır. Bundan əlavə, şirkət hər gedişdən 20 faiz komision tutur", - aksiya iştirakçılarından biri deyib.
Etirazçılardan bir neçəsini "Bolt" şirkətində qəbul ediblər və bildiriblər ki, onların tələbləri xaricdə yerləşən baş ofisə çatdırılacaq və qiymətlər tənzimlənəcək. Bu barədə digər aksiya iştirakçısı bildirib.
Öz növbəsində Bolt şikətinin Turan göndərdiyi açıglamada deyilir:
"Azərbaycanda minlərlə sürücü Bolt tətbiqindən istifadə edir. Bolt komandası olaraq biz inanırıq ki, xoşbəxt sürücülər sərnişinlərə daha keyfiyyətli xidmət göstərir. Buna görə də biz sürücülərimizə həmişə hörmətlə yanaşırıq və əsas məqsədimiz onları bazarda ən yüksək saatlıq qazanc ilə təmin etməkdir. Biz həmişə vəziyyəti təhlil edirik ki, tariflər müştərilər üçün cəlbedici olsun, qazanc imkanı isə sürücü tərəfdaşlarımızı həvəsləndirsin.
Sürücülərimizdən Bolt ilə bağlı təcrübələri barədə bizə rəy bildirmələrini xahiş edirik, çünki sürücülərimizə keyfiyyətli xidmət və dəstək göstərmək üçün məhz bu rəylərə əsaslanırıq. Çox sayda tərəfdaş sürücülərin olmasına baxmayaraq, biz onların hər birinin fikrini diqqətə alırıq.
Bolt sürücülərinin əməkdaşlıq şərtləri və gəlir səviyyəsi bazarda ən yaxşılarındandır. Platformamızdan istifadəni dayandırmağa və digər xidmətləri sınamağa qərar verən bəzi sürücüləri də başa düşürük - bu, onların seçimidir. Hətta bundan sonra onların bir çoxu yenidən Bolt ilə əməkdaşlığı bərpa edir. Sürücülər və xidmət istifadəçiləri üçün ən yaxşı şəraiti təmin etmək istiqamətində dayanmadan işləməyə davam edəcəyik.
Bolt əsas məqsədi şəhərlərdə hərəkəti asanlaşdırmaq, təhlükəsiz və ekoloji cəhətdən təmiz etmək olan çoxfunksional tətbiqdir. Avropa və Afrikanın 45 ölkəsində (400-dən çox şəhər) 100 milyondan çox insan Bolt xidmətlərindən istifadə edir. Çoxfunksional tətbiq səfər sifariş etmək, karşerinq, skuter və elektrikli velosiped icarəsi, qida və ərzaq məhsullarının çatdırılması kimi bir sıra xidmətlər təqdim edir. Bu gün şirkət dünya üzrə 2,5 milyondan çox sürücü və 100 000-dən çox kuryerlə əməkdaşlıq edir". 06В
-
- İqtisadiyyat
- 13 Aprel 2023 11:46
-
- Maliyyə
- 13 Aprel 2023 12:45
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz