Bakı/17.12.18/Turan: Qəbələ rayonunda Vəndam qəsəbəsi yaxınlığında meşəmassivində dişi marala atəş açan şəxslərin axtarışı aparılır.
Marallar Azərbaycanın "Qırmızı Kitab"ına daxil edilib və onların ovu uzun illərdir qadağan edilib.
Ekologiya və Təbii Sərvətlər Nazirliyinin məlumatına görə, qanunsuz ov faktı nazirliyin Qəbələ şöbəsinin əməkdaşları tərəfindən qeydə alınıb.
Meşədə atəş səsi eşidən nazirlik əməkdaşları öldürülmüş dişi maral cəsədi aşkarlayıblar.
Polis maralı vuran brakonyerlərin şəxsiyyətinin müəyyən edilməsi məqsədilə araşdırmaya başlayıb.
Ötən ay Şahdağ Milli Parkında "Qırmızı Kitab"a daxil edilmiş boz ayı vurulmuşdu.
Qeyd edək ki, sözügedən zona imkanlı şəxslərin ovlandığı məşhur yerlərdən biridir, onlar dövlət məmurlarının dəstəyinə arxalanaraq, heç bir qaydaya məhəl qoymurlar. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz