Bu gün Bakıda British Council-in dəstəyi ilə “Birləşmiş Krallıqda Təhsil” sərgisi keçirilib.
Təşkilatın press-relizində deyilir ki, Azərbaycanda ən məşhur təhsil sistemlərindən biri Britaniya təhsil sistemi olaraq qalır.
Açılan sərgi Böyük Britaniyada yüksək reytinqə malik olan 15 kollec, məktəb və kursun iştirakı ilə keçirilir. Bu təhsil müəssisələrində tədris dünyanın məşhur universitetlərinə yol açır.
Son 3 ildə British Council Bakıda 5 təhsil sərgisi keçirib, bu sərgilərdə 10 mindən çox tələbə, valideyn, sahibkar, təhsil işçisi iştirak edib.
Məlumatda bildirilir ki, məktəblərdə və kolleclərdə təhsil GCSE (məktəb təhsilinin son illəri) proqramı, habelə orta və ali təhsili birləşdirən 1-2 illik A Level, International Baccalaureate və Foundation proqramları üzrə keçirilir.
Statistikaya əsasən, 10 il əvvəl Azərbaycan üçün 500-dən az təhsil vizası ayrılırdı, 2014-cü ildə isə bu rəqəm 1200-dən çox olub, deyə məlumatda qeyd edilir.
Lakin British Council Böyük Britaniyada təhsilin dəyəri haqqında heç bir məlumat vermir. Bu dəyər dünyada ən yüksək qiymətlərdən biri olaraq qalmaqdadır. Bu ölkədə qiymətlərin ümumi səviyyəsini də nəzərə alsaq, bilik səviyyəsindən asılı olmayaraq, bir çox gənc üçün orada təhsil xam xəyaldır. -04/02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz