Bakı/12.0718/Turan: Cümə axşamı Londondan Mumbaiyə uçan "British Airways" təyyarəsi Bakı Beynəlxalq Aeroportuna məcburi eniş edib.
Bakı aeroportunun mətbuat xidmətinin məlumatına görə, eniş təyyarənin sol mühərrikinin dayanması səbəbindən həyata keçirilib.
Təyyarənin göyərtəsində 214 nəfər (197 sərnişin və 17 uçuş heyətinin üzvü) var idi.
Bununla əlaqədar iyulun 12-də səhər saat 05:52-də aeroportda həyəcan siqnalı verilib.
Həyəcan siqnalı ilə hava limanının bütün qəza-xilasetmə xidmətləri qaldırılıb. Təyyarə Bakı vaxtı ilə saat 06:29-da uğurlu eniş edib, xəsarət alan yoxdur.
Sərnişinlər hava limanının tranzit zonasında yerləşdirilib, onlara yemək və içkilər
təqdim edilib.
Aeroportun mətbuat xidməti qeyd edib ki, Bakı aeroportunun müasir naviqasiya və yerüstü avadanlıqları fors-major vəziyyətlər yarandıqda aviaşirkətlərin regionun hava məkanında məhz Bakı aeroportunun seçməsinə imkan verir. -71D-
Cəmiyyət
-
Çərşənbə günü paytaxtda hava dəyişkən olacaq. Səhər və axşam az yağış yağa bilər.
-
Bakıda keçirilən (11-22 noyabr) BMT İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasından (COP29) sonra Azərbaycanda bələdiyyə seçkilərinin vaxtının açıqlanacağı gözlənir. Mərkəzi Seçki Komissiyasının (MSK) sədri Məzahir Pənahov bugünlərdə bildirib ki, bələdiyyə seçkiləri yanvarın 25-dən sonra keçiriləcək.
-
Çərşənbə axşamı Bakıda hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi proqnozlaşdırılır. Gecə və səhər bəzi yerlərdə yağış yağacağı gözlənilir. Gecə yarımadanın ayrı-ayrı yerlərində qısamüddətli intensivləşəcəyi ehtimalı var. Cənub-qərb küləyi axşam şimal-qərb küləyi ilə əvəz olunacaq.
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
Rəy yaz