Saat 11.00-a yaxın Bakı metropolitenində qatarların hərəkəti bərpa edilib. Bakı Metropoliteninin əməkdaşı Turan-a bildirib ki, fasilə eksperimental qaydada xəttə buraxılmış yeni qatarlarda texniki nasazlıqla əlaqədar yaranıb. Bu, Mıtişınski vaqonqayırma zavodunun daha da modernləşdirilmiş konstruksiyasıdır.
Həmin qatarlarda daha həssas mexanizm sistemi, o cümlədən qapıların açılıb-bağlanması sistemi qurulub. “Bəzi məsuliyyətsiz sərnişinlər qatarların qapılarını saxlayanda nasazlıq yaranır. Bu gün də belə oldu. Yeni qatarın sonuncu vaqonunda qapının saxlanması səbəbindən qatar xətdən çıxarılmalı oldu. Bu da avtomatik olaraq qatarların hərəkətində yubanmaya səbəb olub”, - əməkdaş qeyd edib.
“Nə üçün sərnişinlərin “Elmlər akademiyası” stansiyasından çıxması üçün dərhal ikinci eskalator qoşulmayıb?” sualının cavabında metropoliten nümayəndəsi bildirib ki, hər işə salmadan sonra müəyyən təhlükəsizlik tədbirlərinə əməl olunmalıdır. Bu isə vaxt tələb edir.
Turan-ın müxbirinə “Elmlər akademiyası” stansiyasında çəkiliş aparması ilə bağlı irad bildirilib. Çəkilişə qadağa təhlükəsizlik tədbirləri və metronun strateji obyekt olması ilə əsaslandırılıb.
Öz növbəsində Turan-ın müxbiri bildirib ki, metroda bu cür vəziyyətin yaranması və sıxlığın əmələ gəlməsi ictimai əhəmiyyətli informasiyadır və KİV haqqında qanuna görə, belə vəziyyətdə jurnalistlərin fəaliyyəti üçün məhdudiyyət olmamalıdır.
Bununla belə, metro və metro polisinin nümayəndələri bildiriblər ki, hər cür yeraltı çəkilişlər Bakı metropoliteni rəhbərliyinin icazəsi ilə olmalıdır.
Bununla da insident bitib.
Qeyd edək ki, sosial şəbəkələrdə metroda yaranmış bugünkü vəziyyətə dair fotolar yayılıb. —06C--
Təzə vaqonların qapısının açılmaması səbəbindən yüzlərlə adam metroda qalıb
Bu gün saat 10:00 radələrində Bakı metropoliteninin “İnşaatçılar” stansiyasında gecikmə qeydə alınıb. Turan-ın müxbirinin hadisə yerindən xəbərə görə, gecikməyə xəttə yeni alınmış vaqonların buraxılması səbəb olub. Yeni alınmış vaqonlardan ibarət qatar “İnşaatçılar” stansiyasına çatıb və vaqonların qapıları açılmayıb. Bundan sonra maşinistlər məcburiyyət qarşısında qalıb qapıları qəza düymələri vasitəsi ilə açıblar. Sərnişinlər vaqonlardan boşaldılıb və xəttə yeni qatar buraxılıb. Beləliklə, 20 dəqiqəyədək gecikmə olub və stansiyada sərnişin sıxlığı yaranıb.
Xəttə buraxılmış yeni qatar isə “İnşaatçılar” stansiyasından “Elmlər Akademiyası” stansiyasınadək yolu 15 dəqiqəyə qət edib, adi vaxtlarda bu yol 3 dəqiqəyə qət edilir. “Elmlər Akademiyası” stansiyasında yenidən sərnişinlər vaqonlardan boşaldılıb. Hazırda bu stansiyada da sərnişin sıxlığı yaranıb.
Turan-ın müxbirinin baş verənləri işıqlandırması metropoliten işçilərinin narazılığına səbəb olub. Onlar jurnalisti saxlayaraq foto çəkməsinin səbəblərini araşdırmaq üçün stansiya rəisinin yanına aparıblar. -06B-
Cəmiyyət
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
Rəy yaz