Bu qanunsuzluqlar Penitensiar Xidmətin mahiyyətidir
Siyasi Məhbuslarsız Azərbaycan” İctimai Alyansı (SMAİA) həbsxanalarda məhkumlara olan münasibətə dair bəyanatla çıxış edib.
Bəyanatın aktuallığı məhkum Lamiyə Quliyevanın həbsxanada uşaq dünyaya gətirməsi ilə bağlıdır.
Sənəddə son zamanlar Penitensiar Xidmət (PX) tabeliyində olan həbsxanalarda məhbuslara zorakılıq, işgəncə, ölüm və s. qanunsuz hərəkətlərin adi hala çevrildiyi qeyd olunur. PX hadisələri araşdırmaq əvəzinə ört-basdır etməkdə, qeyri-insani hərəkətlərə etiraz edənlərə divan tutmaqda ittiham edilir. Sənəddə buna nümunə kimi keçən ilin sonlarında məhkum Elşad Babayevin 14 saylı həbsxanada içgəncə ilə qətlə yetirilməsi, etiraz edən bir qrup dustağın fiziki zorakılığa məruz qalması, zorakılığın izlərinin itirilməsi üçün məhbuslara yaxınları ilə görüş verilməməsi göstərilir. E.Babayevin qətlinin “ürək tutması” adı ilə ört- basdır edildiyi deyilir. Bir neçə gün öncə 17 saylı həbsxanada məhbus İsrail Ağayevin intiharı həbsxanalarda məhbus ölümünün adi hala çevrilməsinin göstəricisi sayılır.
Şəmkir rayonunun keçmiş icra başçısı Aslan Aslanovun oğlu Ruslan Aslanovun qətlində təqsirli bilinən L.Quliyevanın həbsdə nigahdan kənar övlad dünyaya gətirməsi sistemin ən qalmaqallı hadisəsi sayılır. R.Aslanov tərəfindən dəfələrlə cinsi zorakalığa məruz qalması azmış kimi, L.Quliyeva 10 il azadlıqdan mərhum edilib. Azadlğa çıxmasına az qalmış həbsxana rəhbərliyinin əli ilə cinayət işi qaldırılıb, L.Quliyevanın həbs müddəti daha 5 il 6 ay uzadılıb. Bu isə məhkuma qarşı məqsədli şəkildə ədalətsizlik, qisasçılıq və işgəncə deməkdir. “Məhkum qadının həbsxanada uşaq dünyaya gətirməsi Penitensiar Xidmət sistemində hökm sürən qanunsuzluq, özbaşınalıq, cinsi istismarın varlığını bir daha ortaya qoydu”, - deyə hadisəyə münasibət ifadə edilir. Ən acınacaqlısı isə baş verən hadisə barədə ciddi ölçü götürmək əvəzinə Penitensiar Xidmətin medianı ittiham etməsi, L.Quliyevanın uşağının atasını “axtardığı” qeyd edilir.
E.Babayevin qətli, İ.Ağayevin özünə qəsdi, L.Quliyevanın uşaq dünyaya gətirməsi Penitensiar Xidmət sahəsində dəhşətlərin, insanlıq və qanunlar adına utanc əməllərin yalnız üzdə olan qismidir. “Bu hadisələr ölkədəki qanunsuzluq və özbaşınalıq, harınlıq və zülmün kiçik təcəssümü, Penitensiar Xidmətin isə mahiyyət göstəricisidir”, - deyə sənəddə qeyd olunur.
Sənəddə L.Quliyevanın üzləşdiyi qanunsuzluq, zorakalıq və qisasçılığın yenidən araşdırılması, ona qarşı ittihamlara obyektiv hüquqi qiymət verilməsi tələb edilir. Həbs yerlərində hökm sürən qanunsuzluqlara, ölüm hallarına, korrupsiya və işgəncələrə görə Penitensiar Xidmət rəisi Mədət Quliyev başda olmaqla, bütün əməkdaşların istefası, bu sahədə ciddi islahatlar yələb edilir.
Müəlliflər həbsdə qanunsuz saxlanılan Leyla Yunusun səhhəti, İntiqam Əliyevin məhkəməyə gətirilərkən qeyri-insanı yoxlamaya məruz qalması ilə bağlı narahatlıq ifadə edirlər. -05D-
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz