Bütün məhkəmə instansiyalarının hakimlərinin maaşı artırılıb

Parlamentin bugünki iclasında “Məhkəmələr və hakimlər haqqında” qanuna dəyişikliklər edilib.

Deputatlar Ali Məhkəmə sədrinin vəzifə maaşının artırılmasını təqdir ediblər (1785 manat əvəzinə 2070 manat). Naxçıvan Muxtar Respublikasının Ali Məhkəməsinin sədri və apellyasiya məhkəmələrinin rəhbərləri “Femidanın baş xadiminin” maaşının 90%-i qədər (1 min 863 manat) maaş alacaqlar.

Ağır cinayətlərə dair işlər üzrə məhkəmənin, NMR-in analoji qurumunun, Ağır cinayətlərə dair işlər üzrə hərbi məhkəmənin və digər hərbi məhkəmələrin sədrləri 1 min 656 manat maaş alacaq.

Məhkəmə sədrlərinin müavinləri sədrlərin maaşının 90%-i ölçüsündə, AR və NMR ali məhkəməsinin, habelə apellyasiya məhkəmələrinin sədrləri 85%-i, bütün instansiyaların hakimləri öz sədrlərinin maaşının 80%-i ölçüsündə maaş alacaqlar.

Bundan başqa, maaşlara ümumilikdə maaşın 45%-dən çox olmamaqla, hər 5 ildə bir 15% əlavələr müəyyən edilib. Prokurorların və hakimlərin maaşlarına da belə əlavələr ediləcək.

Ali Məhkəmə hakimlərinin maaşlarına əlavələr 25%, apellyasiya məhkəmələrinin hakimlərinin maaşlarına əlavələr isə 20% ölçüsündə müəyyən edilib. -17D-