Bu gün Bakı Ağır Cinayətlər Məhkəməsində “Azərbaycan Beynəlxalq Bankı” ASC-nin sabiq sədri Cahangir Hacıyevin və 7 nəfərin barəsində hökm oxunub. Məhkəmə C.Hacıyevi 15 il azadlıqdan məhrum edib.
C.Hacıyevin yaxını, Bakı Fındıq Zavodunun keçmiş direktoru Azad Cavadov 10 il, 11 ay mühakimə olunub və məhkəmə zalında həbs edilib.
Yusif Ələkbərov 8 il 6 ay, İbrahim Hüseynov 8 il, Məhəmməd Cahangirov 7 il 6 ay, Kənan Orucov 7 il 23 gün azadlıqdan məhrum edilib.
Anar Sultanov şərti olaraq 7 il 6 ay, İlqar Abdullayev şərti olaraq 6 il 6 ay azadlıqdan məhrum ediliblər.
Xatırladaq ki, müttəhimlər CM-in 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunur.
C.Hacıyev 2015-ci il martın 18-də “səhhətilə əlaqədar” ABB rəhbəri postundan istefa verib. Bundan sonra ABB-nin bəzi keçmiş yüksək vəzifəli əməkdaşları və bankdan külli miqdarda kredit götürən biznesmenlər həbs olunub. Qeyri-rəsmi məlumatlara görə, ABB-yə qaytarılmayan kreditlərin həcmi 6 mlrd. dollara çatıb. C.Hacıyevin yaxın qohumu Eldar Mahmudov oktyabrın 17-də MTN rəhbəri postundan istefa verdikdən sonra C.Hacıyev dindirməyə çağırılıb. Dekabrın 5-də həbs olunub. Vəkilin sözlərinə görə, o 42 mln. manatı mənimsəməkdə ittiham olunub. Vəsait bankın 80 mln. manat həcmində səhmi şəklində dövlətə qaytarılıb. -16d-
Cəmiyyət
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
-
Sentyabrın 18-də Bakıda və Abşeron yarımadasında hava tutqun olacaq, bəzi yerlərdə yağış yağacaq. Şimal-qərb küləyi əsəcək, xəbəri Milli Hidrometeorologiya Xidməti yayıb.
-
Qalib komanda Azərbaycanı ABŞ-də təmsil edəcək Bu il Azərbaycan ilk dəfə olaraq startaplar üzrə ən nüfuzlu dünya çempionatı hesab edilən “Startup World Cup”ın regional tədbirinə ev sahibliyi edəcək. Tədbir ölkənin lider mobil operatoru Azercell-in sponsorluğu ilə sentyabr ayının 19-u ADA Universitetində baş tutacaq.
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
Rəy yaz