Əminə Hacıyeva
Bakı/11.05.20/Turan: Həbsdə olan Azərbaycan Beynəlxalq Bankının keçmiş sədri Cahangir Hacıyevin bacısı Əminə Hacıyeva prezident İlham Əliyevə kömək xahişi ilə müraciət edib.
Hacıyeva prezidentə müraciətində qardaşının saxlanıldığı Penitensiar Xidmətin 13 saylı cəzaçəkmə müəssisəsində pandemiya ilə əlaqədar yaranmış kritik vəziyyətdən dərin narahatlıq keçirdiyini yazır.
"Bu yaxınlarda bu müəssisədə test keçirilib, iyirmi məhbusda testin nəticələri “pozitiv” olub və sonradan səkkiz məhbusda da testin nəticələri “pozitiv” olub. Həmin məhbuslar Cəzaçəkmə müəssisəsindən çıxarılıblar.
Lakin bu böyük təhlükəni aradan qaldırmayıb, çünki 13 saylı cəzaçəkmə müəssisəsinin şəraiti çox ağırdır, təkcə bunu demək lazımdır ki, 50 kv.m otaqda 60 məhbus saxlanılır. Burada vərəm, spid, hepatit və s kimi xroniki xəstələr çoxdur.
Ona görə də müəssisədə yaranmış təhlükəli vəziyyət digər məhbus ailələri kimi məni də bacı kimi çox həyəcanlandırır və əzab verir", deyə o bildirir.
Qardaşının ölümlə üz-üzə olduğunu qeyd edən Hacıyeva sonda "Sizə müraciət edir və yalvarıram, qardaşımı xilas edin!", deyə yazır. -0-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz