Cəlilabad rayonunda həbs olunmuş jurnalist Əfqan Sadıqovun hüquqlarını müdafiəsinə vəkil Elçin Sadıqov da qoşulub. O, bu barədə öz facebook səhifəsində yazıb.
Vəkil “azel.tv” saytının redaktoruna qarşı CM-in 127.2.3-cü (xuliqanlıq niyyətilə təhlükəli üsulla sağlamlığa qəsdən az ağır xəsarət yetirmə) maddəsi ilə ittiham irəli sürüldüyünü qeyd edir. O, beş ilədək azadlıqdan məhrum edilə bilər.
E.Sadıqov müvəkkili ilə gələn həftə görüşəcək. Vəkilin sözlərinə görə, iş artıq məhkəmə baxışındadır və hazırlıq iclasında jurnalisti üç ay müddətinə həbs ediblər.
Vəkil hesab edir ki, jurnalisti Cəlilabad rayonundakı qanunsuzluqlar haqqında nəşrlərə görə təqib edirlər.
Bir müddət əvvəl jurnalistin anası bildirib ki, oğlu müntəzəm olaraq öz saytında vətəndaşların hüquqlarının pozulması və məmur özbaşınalığı haqqında yazırdı.
“Ona dəfələrlə xəbərdarlıq ediblər və tənqidə son qoymağı tələb ediblər, amma o, qorxmayıb”, deyə anası qeyd edib.
Bir müddət əvvəl onu Cəlilabad rayon icra hakimiyyətinə çağırıblar, orada bir qadın onu yumruqlamağa başlayıb. Bu hadisə dərhal protokollaşdırılıb.
Cəlilabad rayon icra hakimiyyətindən və polisindən şərh almaq mümkün olmayıb. -05D06-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz