Açiq mənbələrdən foto.
Bakı/22.04.21/Turan: Bir neçə gün əvvəl qətlə yetirilmiş Cəlilabad rayon sakininin meyiti bu gün Sabirabad rayonunun Çiçəkli kəndinin ərazisindəki çöllük ərazidən tapılıb.
Bu barədə Turan-ın bölgə müxbiri yerli hüquq-mühafizə orqanlarına istinadən xəbər verib.
58 yaşlı Cəlilabad rayonunun Fərzili kənd sakini Əflatun Abdullayevin evdən çıxaraq geri qayıtmaması barədə oğlu tərəfindən hüquq-mühafizə orqanlarına müraciətdən sonra ona məxsus olan Mercedes-C markalı minik avtomobili aprel ayının 18-də Salyan rayonunun Kiçik Noxudlu kəndinin ərazisində yolun kənarında atılmış vəziyyətdə tapılsa da, özündən xəbər tutmaq mümkün olmayıb.
Bundan sonra aparılmş əməliyyat-istintaq tədbirləri nəticəsində Abdullayevi Cəlilabad rayonu ərazisində qətlə yetirərək meyitini Sabirabad rayonunun Çiçəkli kəndinin ərazisində şor su kollektorundakı qamışlığa ataraq getməkdə şübhəli bilinən şəxs saxlanılıb. Saxlanılan şəxs bu gün səhər meyiti atdığı yeri göstərib. Qətlə yetirilən şəxsin sələmlə pul verməklə məşğul olduğu deyilir.
Faktla bağlı cinayət işi qaldırılıb. -0-
Cəmiyyət
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
Rəy yaz