Moskva və Kiyevin qarşıdurmasında Bakı Ukraynanın tərəfində olmalıdır – ekspert qiymətləndirməsi

Bakı/22.04.21/Turan: Milli Strateji Düşüncə Mərkəzi “Rusiyanın Ukraynaya qarşı aqressiv işğalçı siyasətini” və nəticədə bölgəmizdə durumun təhlükəli dərəcədə kəskinləşməsini müzakirə edib.

Müzakirə iştirakçıları “Azərbaycan xalqının qardaş Ukrayna xalqına tam dəstək ifadə etməsini” məmnuniyyətlə qeyd ediblər.

Mərkəz Azərbaycan hökumətini də “müttəfiq Ukrayna dövlətinə tam dəstək verməyə” çağırıb. Belə bir mövqe sadəcə 44 günlük savaş müddətində Ukrayna hakimiyyətinin Azərbaycana dəstək ifadə etməsinin qarşılığı kimi deyil, həm də ilk növbədə Azərbaycanımızın maraqlarına və bölgəmizdə sülh və əmin-amanlığın bərqərar olmasına xidmət edəcək.

Milli Strateji Düşüncə Mərkəzi beynəlxalq birliyin, xüsusən ABŞ-ın, Türkiyənin və Aİ-nın Ukraynaya ciddi dəstək verməsini yüksək qiymətləndirməklə yanaşı hesab edir ki, “bu dəstək Rusiyanın Ukraynada yeni işğal əməliyyatının qarşısını almaqla məhdudlaşmamalı, həm də ilk növbədə Ukraynanın şərqinin işğalına son qoymaq və Krımı işğaldan azad etmək məqsədinə yönəlməlidir”, deyə Mərkəzin məlumatında bildirilir.

* Mərkəz 2015-ci ildə daxili və xarici siyasət problemlərini araşdıran “beyni mərkəzi” kimi yaradılıb. Mərkəzə Müsavat Partiyasının keçmiş başqanı və parlamentin eks-spikeri İsa Qəmbər rəhbərlik edir. -06D-