Noyabrın 22-də polis Cəlilabad rayonunda fəaliyyət göstərən “azel.tv” xəbər saytının təsisçisi və baş redaktoru Əfqan Sadıqov həbs olunub.
Jurnalistin anası Hülnisə Sadıqova Turan-a bildirib ki, Ə.Sadıqov Qazax rayonunda saxlanılıb, oradana Cəlilabada gətiriblər.
Rayon məhkəməsi Ə.Sadıqovun barəsində 3 aylıq həbs qətimkan tədbiri seçib. Jurnalist Cinayət Məcəlləsinin 127-ci maddəsi ilə (qəsdən sağlamlığa az ağır zərər vurma) təqsirli bilinir.
Ana bildirib ki, Ə.Sadıqov qohumunu Qazaxdan Gürcüstana yola saldıqdan sonra saxlanılıb. Ana övladının həbsinin bilavasitə fəaliyyəti ilə bağlı olduğunu deyib.
“Dəfələrlə ona xəbərdarlıq etmişdilər ki, yazmasın. Elə hey deyirdilər ki, tərif yaz. Əfqan da onların dediyinə əməl etmədi, həbs etdilər”.
Anasının sözlərinə görə, bir neçə həftə əvvəl Ə.Sadıqovu Cəlilabad Rayon İcra Hakimiyyətinə çağırıblar: “Orda öyrədilmiş bir qadın üstünə hücum çəkib, dava-dalaş salmağa cəhd göstərib. Bunu da dərhal sənədləşdirib cinayət işi açıblar”, - ana söyləyib.
Ana noyabrın 24-də polis şöbəsinə getsə də oğluyla görüşə icazə verməyiblər: “Mənə xəbər çatdırdılar ki, onu içəridə incidirlər”, - ana qeyd edib.
Son zamanlar, xüsusilə daşqınlar zamanı saytda Cəlilabaddakı yolların durumu, İcra Hakimiyyətinin gərəkli addımlar atmaması geniş işıqlandırılıb.
Cəlilabad Rayon İcra Hakimiyyətindənşərh almaq mümkün olmayıb.-05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz