Çempionlar Liqasında "Qarabağ"ın gələcək rəqibi müəyyən olundu

İsveçrənin Nyon şəhərində futbol üzrə Çempionlar Liqasının püşkatma mərasimi keçirilib. "Qarabağ" klubunun rəqibi "Xamrun Spartans" (Malta) - "Linkoln" (Gibraltar) qarşılaşmasının qalibi olacaq. Bu komandalar iyulun ortalarında iki maç keçirəcəklər.

2-ci mərhələnin maçları iyulun 23-dən 31-nə qədər keçiriləcək. "Qarabağ" ilk maçı rəqib meydançasında oynayacaq.

Dünən Avropa Liqasının da püşkatma mərasimi keçirilib, burada Azərbaycanı Bakının "Zirə" klubu təmsil edəcək.

İlk təsnifat mərhələsində "Zirə" Moldovanın Tiraspol şəhərinin "Şerif" komandası ilə görüşəcək.

Avropa Liqasının təsnifat mərhələsinin ilk maçları iyulun 11-də, cavab oyunları isə iyulun 18-də keçiriləcək.

Bu gün həmçinin Konfranslar Liqasının püşkatma mərasimi keçiriləcək. Burada Azərbaycanı Bakının "Sabah" komandası və "Sumqayıt" komandası təmsil edir. Hər iki klub birinci təsnifat mərhələsindən start götürür.