Bakı/14.04.22/Turan: Aprelin 13-də Masallı rayonunda “Cənub.az” regional xəbər saytının təsisçisi və baş redaktoru Zahir Əmənov saxlanılıb.
Yerli mənbələrin məlumatına görə, Əmənov günorta redaksiyanın ofisində saxlanılıb.
Öz növbəsində hüquq-mühafizə orqanlarındakı mənbə bildirib ki, Əmanov Masallı rayonu Sığdaş kənd administrasiyasının rəhbəri İsrafil Əliyevin şikayəti əsasında saxlanılıb. İddiaya görə, Əmənov onu barəsində gözdən salan materialın dərcilə şantaj edib.
Əmənov 1500 manat pul alarkən cinayət başında yaxalanıb. Cinayət Məcəlləsinin 182.1 maddəsilə (hədə-qorxu ilə tələb etmə) cinayət işi başlanıb. Daxili İşlər Nazirliyi məlumatı təsdiqləyib.
Bakı Mətbuat Klubunun həmtəsisçisi və direktoru, “Yeni nəsil” Jurnalistlər Birliyinin sədri Arif Əliyev Turan-ın müxbirilə söhbətində ittihamın əsaslılığına şübhə edib.
Onun sözlərinə görə, Əmənov Masallı rayon polis şöbəsində saxlanılır, ona dövlət hesabına vəkil təyin edilib, 48 saat ərzində isə məhkəmə həbs qətimkan tədbirinə baxacaq.
“30 ildir ki, Zair Əmənovu Azərbaycanın aparıcı regional kütləvi informasiya vasitələrindən birinin rəhbəri, təcrübəli jurnalist kimi tanıyırıq. Ona görə də pul tələb etmə və cinayət başında yaxalanma kimi ittihamlar gerçək görünmür. İşin saxtalaşdırıldığına şübhəmiz yoxdur və işi nəzarətdə saxlayacağıq”, - Əliyev deyib.
Əliyev diqqəti ona da yönəldib ki, son vaxtlar Əmənov Masallı rayon icra başçısı Şahin Məmmədovla münasibətlərindəki gərginlikdən şikayətlənib. Sonuncu rayondakı neqativ hallar, pis idarəçilik və sosial problemlərlə bağlı tənqidlərdən narazı qalıb.-06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz