Fevralın 12-də Penitensiar Xidmətin 6 saylı cəzaçəkmə müəssisəsində 2 məhkum döyülərək öldürülüb, daha iki məhkum isə ölümcül halda Ədliyyə Nazirliyinin Məhkumların Müalicə Müəssisəsinə aparılıb. Bu barədə ölən məhkumlardan Nurani İbrahimovun qardaşı Ramin İbrahimov musavat.com saytına bildirib.
Onun dediklərinə görə, döyülərək öldürülən digər məhkum Sahib Abbasovdur və onun cənzaəsi dəfn olumaq üçün Gəncə şəhərinə aparılıb.
Məlumatda həmçinin Elmir və Tariyel adlı məhkumların ağır vəziyyətdə Ədliyyə Nazirliyinin müalicə müəssisəsinə aparıldığı bildirlir.
Qardaşı Nurani İbrahimovun ayaqlarının sındırıldığını, daxili orqanlarının partladığını, dabanlarında və bədəninin müxtəlif yerlərində çoxsaylı qançırların odluğunu bildirib. Ailəsi həmçinin Nurani İbrahimovun çoxsaylı xəsarət izləri olan şəkillərini yayıb.
Məlumatla bağlı Penitensiar Xidmət hələ münasibət bildirməyib. Bu barədə Penitensiar Xuidmətin İctimaiyyətlə Əlaqələr Mərkəzi də sorğumuza və müraciətimizə cavab verməyib.
Ədliyyə Nazirliyinin Baş Tibb İdarəsinin rəis müavini İftixar Qurbanov “Amerikanın səsi”nə Nurani İbrahimovun ölüm faktını təsdiq edib. İbrahimovun ölümünün səbəblərinə gəlincə, İ.Qurbanov ölümlə bağlı Məhkəmə Tibb Ekspertizasının rəy verəcəyini bildirib.
Rəis müavini məlumatlarda adı çəkilən Sahib Abbasovun ölməsi və digər iki məhbusun ağır durumda müalicə müəssisəsinə yerləşdirilməsi barədə xəbərləri təsdiq etməyib. -03B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz