![Çovdarovun yerliləri onu «günahsız qurban» hesab edirlər](https://turan.az/resized/media/2016/main/082900167024-750-500-resize.webp)
Çovdarovun yerliləri onu «günahsız qurban» hesab edirlər
Gürcüstanda yaşayan azərbaycanlı ziyalıların 100-dən çox nümayəndəsi həbsdə olan MTN generalı Akif Çovradorun müdafiəsinə qalxıb. O, ağır cinayətlərdə təqsirli bilinərək Kürdəxanı təcridxanasında saxlanılır.
“Meydan” TV-də dərc edilən və Azərbaycan prezidentinə ünvanlanan məktubda onlar KİV-də Çovdarovun barəsində dərc olunan yazılardan “əsəbləşdiklərini” qeyd edirlər. Belə çıxır ki, Çovdarovun atası qəssab yox, məktəb və sovxoz direktoru olub.
Məktubdan məlum olur ki, Çovdarov Gürcüstandakı azərbaycanlıların problemlərinin həllinə yardım göstərib və onları İlham Əliyevi dəstəkləməyə çağırıb.
Sonda müraciət müəllifləri Çovdarovda “təhlükəli xəstəliklər”in olmasını nəzərə alaraq İlham Əiyevdən onu öz nəzarətinə götürməyi xahiş edirlər.
Xatırladaq ki, keçmiş MTN Energetika və Nəqliyyatda Təhlükəsizlik Baş İdarəsinin rəisi general Çovdarov ötən ilin payızında həbs olunub.
Ona qarşı 308.2 (vəzifə səlahiyyətlərindən sui-istifadə ağır nəticələrə səbəb olduqda ) , 311.3.1 (rRüşvət, qabaqcadan əlbir olan bir qrup şəxs və ya mütəşəkkil dəstə tərəfindən) 311.3.2 (rüşvət alma, təkrar törədildikdə), 311.3.3 (rüşvət alma, külli miqdarda törədildikdə), 145.3 (qanunsuz azadlıqdan məhrum etmə) maddələri ilə ittiham irəli sürülüb.
Çovdarov kriminal avtoritet reputasiyasına malikdir. Onun adı Beynəlxalq Universitetin keçmiş rektoru Elşad Abdullayevin qardaşı Mahir Abdullayevin oğurlanmasında və qətlində, “Monitor” jurnalının baş redaktoru Elmar Hüseynovun qətlində hallanır. Lakin bu cinayətlərlə bağlı ona hər hansı rəsmi ittiham irəli sürülməyib.
Ancaq çoxsaylı biznesmenlər onlardan zorla pul və əmlak alınması tələbilə Çovdarov tərəfindən işgəncələrə və qanunsuz həbslərə məruz qalmalarından KİV-ə şikayətləniblər.—06D--
Cəmiyyət
-
Mərkəzi Seçki Komissiyası (MSK) sentyabrın 1-də Milli Məclisə keçirilən növbədənkənar seçkilərlə əlaqədar ilkin nəticələrini açıqlayıb. Açıqlanan ilin nəticəyə görə, deputat mandatının yarıdan çoxunu (68) yenə hakim Yeni Azərbaycan Partiyası (YAP) qazanıb. 13 mandatın isə ümumilikdə 10 partiyaya düşəcəyi gözlənir. Vətəndaş Həmrəyliyi Partiyası üç, Ədalət, Hüquq və Demokratiya Partiyası iki yerlə təmsil ediləcək. Daha səkkiz partiya - Respublikaçı Alternativ Partiyası, Milli İstiqlal Partiyası, Demokratik İslahatlar Partiyası, Ana Vətən Partiyası, Böyük Quruluş Partiyası, Böyük Azərbaycan Partiyası, Milli Cəbhə Partiyası, Azərbaycan Demokratik Maarifçilik Partiyası hərəyə bir deputat mandatına malik olmağa yaxın sayılır.
-
Bakıda və Abşeron yarımadasında havadakı tozun miqdarında artım müşahidə olunur. Milli Hidrometeorologiya Xidmətinin məlumatına görə, tozun miqdarı normadan 2,5-3 dəfə çoxdur.
-
“Bağlantını asanlaşdırır, həyatı daha dolğun edirik” strateji məqsədinə sadiq qalan “Azercell Telekom” MMC bu istiqamətdə daha bir yeniliyə imza atır. 02.09.2024 tarixindən etibarən Azercell ofislərində rəqəmsal şəxsiyyət vəsiqəsini təqdim edən abunəçilər tam xidmət spektrindən yararlana biləcəklər. Layihə İnnovasiya və Rəqəmsal İnkişaf Agentliyi (İRİA) ilə əməkdaşlıq əsasında həyata keçirilir.
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
Rəy yaz