Açiq mənbələrdən foto.
Bakı/07.12.22/Turan: Bu gün, dekabrın 7-si səhər saatlarında Abşeron rayonunun, Masazır qəsəbəsində yerləşən çoxmərtəbəli yaşayış binasında partlayış baş verib. Bu barədə Fövqəladə Hallar Nazirliyinin yaydığı məlumatda deyilir.
Məlumatla əlaqədar FHN-in Dövlət Yanğından Mühafizə Xidməti Abşeron Rayon Yanğından Mühafizə Hissəsinin qüvvələri əraziyə cəlb olunub.
Hadisə yerində əməliyyat şəraitinin ilkin qiymətləndirilməsi zamanı partlayışın yeddimərtəbəli yaşayış binasının 3-cü mərtəbəsində yerləşən mənzillərdən birində baş verdiyi bildirlir. İlkin ehtimala görə partlayışın baş verməsinə səbəb məişət qazının sızması olub.
Hadisə nəticəsində, 1 nəfər xəsarətlərlə xəstəxanaya aparılıb. Partlayışın təsirindən mənzilin 1 otağının pəncərə çərçivəsi yerindən çıxıb, giriş qapısına ziyan dəyib.
Hadisə ilə əlaqədar müvafiq qurumlar tərəfindən təhqiqat aparılır-05D-.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz