bakupost.az
Bakı/09.08.18/Turan: Cümə axşamı Bakı Ağır Cinayətlər Məhkəməsində "Çudo Peçka" fast-fud şəbəkəsinin təsisçisi Çingiz Cəlilov barəsində hökm oxunub.
Məhkəmə onu CM-in 179.3.2-ci (böyük ölçüdə mənimsəmə və ya israf) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə təqsirli bilib. Prokuror Cəlilovun 13 il müddətinə azadlıqdan məhrum edilməsini istəmişdi.
İstintaq materiallarına əsasən, Cəlilov Standart Bank-ın keçmiş rəhbəri Səlim Krimanla əlbir olaraq, əmlakı girov qoyaraq, 21 874 000 manat məbləğində kredit götürüb. Amma bu əmlakın qiyməti şişirdilib.
Kreditin məqsədi kimi bağ alınması, mənzil təmiri, torpaq sahəsi alınması göstərilib. Sənədlər Cəlilovun özünün və ona yaxın insanların adına rəsmiləşdirilib.
Nəticədə, kreditlər yenidən strukturlaşdırılıb və 14 mln. manata yaxın vəsait mənimsənilib və Cəlilov və Kriman arasında bölünüb.
Xatırladaq ki, "Çudo Peçka" şəbəkəsi 2000-ci illərin əvvəllərində yaradılıb və bir neçə il uğurla inkişaf edərək, Bakıda aparıcı şəbəkəyə çevrilib. Amma bir neçə il sonra şəbəkə Bank Standart-ın borcu üçün satılıb, sonradan mövcudluğuna son qoyub. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz