Mayın 20-də D18 Hərəkatı Türkiyə təmsilçiliyi Ankarada Azərbaycan səfirliyi önündə mətbuat konfransı keçirməyə cəhd edib.
D18 Hərəkatının lideri Ruslan İzzətli Turan-a bildirib ki, səfirliyin işçiləri və mühafizə xidməti konfransın keçirilməsinə icazə verməyib.
“Amma Hərəkat səfirliyin basqısına və maneələrinə baxmayaraq, səfirlikdən bir az aralıda da olsa konfransı keçirməyə müvəffəq oldu”.
Hərəkatın başqanı Ruslan İzzətli bildirib ki, Azərbaycanda 100-ə yaxın siyasi məhbus var. Siyasi məhbuslar arasında gənclər öncüllük təşkil edir.
“Siyasi məhbusların siyahısında siyasi partiya təmsilçilərinin, jurnalistlərin, gənclərin və inanclı kəsimin nümayəndələrini görə bilərsiniz. Bu insanların tək bir gunahı var, o da fərqli düşünnmələridir. Bu düşüncələrinə görə də hakimiyyət onları həbs edib. Həbs edilənlərin içərisində jurnalist Xədicə İsmayıl da var”.
İzzətli deyib ki, mayın 27-si Xədicə İsmayılın ad günüdür.
“Bununla əlaqədar dünyanın 40 şəhərində aksiyalar keçiriləcək. Hərəkatımızın Ankara təmsilçiliyi də Bakı səfirliyinin önündə mətbuat konfransı keçirmək istədi. Ancaq təəssüflər olsun ki, səfirlik buna imkan vermədi. Amma bütün maneələrə baxmayaraq, biz Türkiyə xalqına, Türkiyə siyasi partiyalarına və mətbuatına səsləndik və Azərbaycandakı demokratiya mübarizəsinə dəstək olmalarını istədik”, deyə o qeyd edib. -03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz