![Daha bir AXCP fəalı saxlanılıb (YENİLƏNİB)](https://turan.az/resized/media/2020/main/041600025911-750-500-resize.webp)
Daha bir AXCP fəalı saxlanılıb (YENİLƏNİB)
Azərbaycan Xalq Cəbhəsi Partiyasının üzvü Niyaməddin Əhmədov Xətai Rayon Məhkəməsinin qərarı ilə inzibati qaydada 30 sutka müddətinə həbs olundu.
Bu barədə Turana AXCP-dən məlumat verilib.
Məlumata görə, Əhmədov dünən, aprelin 15-də evdən çıxarkən polis tərəfindən saxlanılıb. "Əhmədov 8103 qısa nömrəsinə sms yazaraq evdən çıxab və bir neçə dəqiqə sonra saxlanılıb. Fəalın atası səhər öyrənə bildi ki, o, Xətai Rayon 34-cü polis bölməsindədir. Orada ona qarşı İXM-nin 211-ci və 535-ci maddələri ilə protokol tərtib olunub və o məhkəməyə aparılıb".
***
Daha bir AXCP fəalı saxlanılıb
Bakı/16.04.20/Turan: Xalq Cəbhəsi Partiyasının fəalı Niyaməddin Əhmədov aprelin 15-də evindən çıxarkən saxlanılıb. O, evdən çıxmazdan əvvəl 8103 nömrəsindən SMS-icazə alıb. Onun harada saxlanıldığı məlum deyil, bu barədə AXCP-dən bildiriblər.
"Birdəfəlik desinlər ki, SMS-icazələrin AXCP üzvlərinə aidiyyatı yoxdur", deyən partiya nümayəndəsi artıq evdən çıxmaq üçün icazə aldıqdan sonra onlarla fəalın həbs edildiyini xatırladıb.
Niyaməddin Əhmədov ictimai əsaslarla AXCP liderinin mühafizəsində iştirak edib. Bir müddət əvvəl Kərimlinin digər mühafizəçisi Ruslan Əmirov həbs edilib.
AXCP bildirir ki, martın 24-də xüsusi karantin rejimi tətbiq edildikdən sonra 10-dan çox fəal saxlanılıb və inzibati qaydada həbs edilib.
Hakimiyyət karantin rejimini pozmayan insanların həbsinin nə ilə əlaqədar olduğunu izah etməkdən imtina edir. -06D-
-
- Foto sessiyalar
- 16 Aprel 2020 19:40
-
- Cəmiyyət
- 16 Aprel 2020 21:15
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz