“Ayla” Mənzil-tikinti kooperativinin (MTK) təsisçisi Əli Abışov həbsə alınıb. Bu haqda ölkə prokurorluğunun yaydığı açıqlamada deyilir.
Ə.Abışov Cinayət Məcəlləsinin 178.3.2 (dələduzluq yolu ilə özgə əmlakını külli miqdarda ələ keçirmə) və 308.2-ci (vəzifə səlahiyyətlərindən sui-istifadə) maddələri ilə təqsirli bilinib. Suraxanı rayon məhkəməsi Ə.Abışov barəsində həbs qətimkan tədbiri seçib.
MTK-da yol verilən qanun pozuntularını Baş Prokuror yanında Korrupsiyaya qarşı Mübarizə İdarəsi araşdırıb. Ə.Abışov konkret olaraq Suraxanı rayonunda tikdirdiyi yaşayış binasına qaz verilməsi və mənzillərə mülkiyyət hüquqlarının təsdiq edilməsi adı ilə 36 sakindən 75 min manat pul almaqda şübhəli bilinir.
Korrupsiyaya qarşı Mübarizə İdarəsi iş üzrə istintaqı davam etdirərək, “Ayla” MTK-nın vəzifəli şəxslərinin aldatdıqları vətəndaşların hüquqlarının bərpası yönündə zəruri tədbirlər həyata keçirirlər.
Azərbaycan mətbuatında mənzil tikintisi adı ilə şirkətlərin vətəndaşları aldatmaları cinayətləri haqda çoxsaylı faktlar əksini tapır. Bu cinayətlərin sayı o qədər çoxdur ki, baş verən cinayətlər artıq cinayət olmaqdan çıxaraq şirkət başçılarının pul qazanmaq “mənbəyi”nə dönür.
Son illərdə “GEN” MMC, “Mur-Ay”, “Orxan”, “Şaiq”, “Kamran B.Ə”, “Birlik”, “Fuad LTD” və s. kimi tikinti şirkətləri belə dələduzluqlara görə ittihamlara məruz qalıblar. Ekspertlərin hesablamalarına görə, belə şirkətlərin aldatdıqları vətəndaşların sayı 20 min nəfərdən çoxdur.
Belə şirkətlərin vətəndaşları aldatmaqla pullarını mənimsəmələri sxemi çox sadədir. Onlar mənzil tikintisi adı ilə vətəndaşlardan maliyyə vəsaitlərini yığır, daha sonra hələ tikilməmiş mənzilləri onlara satırlar. Bundan əlavə isə, bir mənzil bir neçə nəfərə satılır, mənzilə görə vətəndaşlar üz-üzə qoyulur, əslində isə heç kəs mənzillə təmin olunmur.
Belə şirkət sahibləri həbsə alınsalar da, hələ indiyə kimi vətəndaşlardan bir nəfərin belə pulunun qaytarılması faktı qeydə alınmayıb. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz