DAK rəsmi Bakını Güney Azərbaycan məsələsinə diqqətli olmağa çağırdı

Dünya Azərbaycanlıları Konqresinin (DAK) təşkilatçılığı ilə bazar ertəsi Beynəlxalq Mətbuat Mərkəzində (BMM) “Yaxın Şərq hadisələri və Güney Azərbaycanda durum” adlı dinləmələr keçirilib.

DAK sədri, deputat Sabir Rüstəmxanlı tədbirin məqsədini Şimali Azərbyacanın səsinin Güney Azərbaycana çatdırılması kimi izah edib. Azərbaycan dövlətinə isə Yaxın Şərqdə dövr edən dəhşətli hadisələr fonunda Güney Azərbaycana sahib çıxmaq çağırışı edilib. “Yaxın Şərq ölkələrində, İranda əzilən türklərdir, amma türk dünyası sanki baş verənləri görmür”, - deyə DAK sədri türk dövlətlərinin həmmillətlərinə biganəliyinə toxunub.

Eyni zamanda, bugünki tədbirə mətbuat təmsilçilərinin gəlməməsi Güney Azərbaycan mövzusuna rəsmi Bakının yasağı kimi dəyərləndirilib. Güney Azərbaycan məsələsini millətin ictimai-siyasi fəallıq səviyyəsinin həll edəcəyi vurğulanıb. Güney Azərbaycan türklərinin insani və milli haqlar uğrunda mübarizəni gücləndirməyin vacibliyi qeyd edilib. Son zamanlar dünya və İran mətbuatında Güney Azərbaycan türklərinin sayının və ölkə əhalisinə münasibətdə faiz dərəcəsinin az göstərilməsi millətə qraşı “hansısa siyasi oyun” başlaması kimi səciyyələndirilib. İlin sonuna qədər DAK-ın bir neçə tədbirlərinin keçiriləcəyi və Güney Azərbaycan məsələsinin diqqət mərkəzində saxlanılacağı nəzərə çatdırılıb.

Güney Azərbaycandakı fəalların həbsi, ana dilində danışığa görə cəzalar barədə danışlıb. Terrorçu PKK-nın İran qolu olan PEJAK-ın Güney Azərbaycanın qərb torpaqlarını öz ərazisi saydığı, bununla bağlı xəritə belə olduğu deyilib. İran dövləti bu iddiaların qarşısını almadığı üçün yeganə çıxış yolu kimi millətin silahlanması göstərilib. Güney Azərbaycanda milli düşüncəni inkişaf etdirmək üçün Şimali Azərbaycanda milli kadrlar hazırlanması, güneyli gənclərin burada təhsilinə şərait yaradılması xüsusi qeyd olunub. Güney Azərbaycan ədəbi bölməsinin rəhbəri Sayman Arus 2015-ci ildən Azərbaycan Yazıçılar Birliyinin xəttilə güneylə bağlı jurnalın nəşrə başlayacağını söyləyib. Yaxın Şərqdəki hadisələr fonunda ərəbin, kürdün və s. himayəçisi olduğu halda türk əsillilərin himayəçisinin olmadığı deyilib. Buna görə miilləti müdafiə üçün təcili hərəkətə keçmək təklif edilib.

Bu gün Yaxın Şərqdə baş verən terror hadisələrinin kökünün İranda islam cümhuriyyəti yaranan çağlarda qoyulduğu iddia edilib. İndi İŞİD-in qadınlara qarşı zorlamalarını vaxtilə İran cümhuriyyətini quranların həyata keçirdiyi iddia edilib. Hətta İŞİD-in ideya rəhbəri İranın olduğu iddia edilib.

Son olaraq bu məsələnin daim diqqət mərkəzində saxlanacağını deyən natiqlər Güney Azərbaycan məsələsini beyənlxalq təşkilatların diqqətinə çatdırmağın vacibliyi haqqında təklif səsləndiriblər. -05C-